Bıll Geıts Ilon Mask Twitter-de sóz bostandyǵyn damyta alatynyna kúmán keltirdi

 

Sársenbide "Wall Street Journal" bas dırektorlarynyń sammıtinde sóılegen sózinde Geıts Mask Twitter-di qalaı ózgertetini belgisiz ekenin aıtty, sonymen qatar áleýmettik medıa platformalarynda jalǵan aqparattyń taralýyna alańdaýshylyq bildirdi.

 

Maıkrosofttyń negizin qalaýshy Masktyń basqa kompanııalardaǵy tájirıbesi keremet ekenin moıyndap, onyń Tesla jáne SpaceX basshylyǵyndaǵy ýaqytyn "aqylǵa qonymdy" dep baǵalady. Geıts Mask bul kompanııalarda tamasha ınjenerler tobyn biriktirýde jaqsy jumys jasady dep aıtty.

 

"Men bul joly olaı bolatynyna kúmándanamyn, biraq bizde ashyq oı bolýy kerek jáne eshqashan Ilondy tómen baǵalamaý kerek" deıdi ol.

 

Geıtske "Masktyń Twitter-degi maqsaty qandaı jáne onyń sóz bostandyǵyn alǵa jyljytý áreketi aqylǵa qonymdy ma?" degen suraq qoıyldy.

 

"[Tvıtterdegi] vaksınalar adamdardy óltiredi nemese Bıll Geıts adamdardy baqylap otyr" degen nársege ol qalaı qaraıdy?" dep qaıtara suraq qoıdy Geıts.

 

"Onyń maqsaty nemen aıaqtalady? Konspırologııalyq teorııalar sonshalyqty jyldam tarala ma? Soǵan tosqaýyl qoıatyn maqsatty ustana ma?" dedi Geıts.

 

Masktyń ókili CNBC-tiń túsinikteme suraýyna birden jaýap bermedi.

 

Sońǵy birneshe aptada Mask sóz bostandyǵyn damytýdan basqa Twitter-di jaqsartýdyń birneshe joldaryn aıtqan. Mysaly, ol platformany paıdalaný úshin kompanııalardan az mqlsherde aqy alýdy bastaýdy usynǵan.

 

 

Kovıd-19 pandemııasy kezinde vaksınalar týraly jalǵan aqparat áleýmettik jelilerde óte keń tarady. Keıbireýler "Geıts 5G chıpterin vaksınalar arqyly adamdarǵa ımplantasııalap jatyr" degen kospırologııalar taratqan.

 

"Bul múlde kútpegen jáne óte oǵash jaǵdaı boldy, adamdar (maǵan) aıqaılap, narazylyq bildiredi" dedi Geıts.

 

Ol áleýmettik medıa platformalaryna ıelik etetinderdiń shyndyqty qamtamasyz etýde róli bar dep sanaıdy.

 

"Eger vaksınalar týraly aıtatyn senimdi lıderler bolmasa, platformanyń konspırologııaǵa qarsy jumys isteýi óte qıyn. Sondyqtan meniń oıymsha, bizde kóshbasshylyqmen ári platformamen másele bar" dedi ol.

 

Geıts bolashaqta vaksına týraly naqty aqparatty taratýǵa kómektesý úshin 3 myń adamnan turatyn áleýmettik medıa bólimshe qurýdy josparlap otyrǵanyn aıtty.