• USD 468.56

  • EUR 497.56

  • RUB 7.3

  • CNY 67.18

29 Naýryz, 19:39:46
Almaty
+35°

Prezıdent Qasym-Jomart Toqaev eks-prezıdent Nursultan Nazarbaevtyń statýsyna  baılanysty Konstıtýsııalyq keńeske júgindi. Bul týraly ádilet mınıstri Qanat Mýsın málim etti.

"Bul joly prezıdent 91-bap 2-bóliginiń jańa redaksııasyn usyndy. Ol jerde konstıtýsııadan Elbasynyń statýsy týraly normany múlde alyp tastaý kózdelgen" dedi Mýsın.

Al senat keshe májilis maquldaǵan "Referendým týraly" Zańnan Elbasy týraly normany alyp tastap, májiliske qaıtardy. Senat tóraǵasy Máýlen Áshimbaev el konstıtýsııasyna Nursultan Nazarbaevtyń statýsyn bekitýge qarsylardyń úlesi kóp ekenin atap ótti.

"Azamattarymyz sońǵy kúnderi konstıtýsııaǵa Elbasyǵa arnalǵan arnaıy bap engizýge qatty qarsylyq tanytty. Azamattardyń bul tilegi eskerildi. О́zderińiz de osyndaı pozısııadasyzdar ǵoı. 95-99 paıyzyńyz shyǵar" dedi ol jýrnalısterge.

Buǵan deıin Nursultan Nazarbaevqa aıryqsha quzyretter men kepildikter beretin 2000 jyly qabyldanǵan "Qazaqstan Respýblıkasynyń Tuńǵysh Prezıdenti - Elbasy týraly" konstıtýsııalyq zań kúshin joıatyny, tuńǵysh prezıdent mártebesin konstıtýsııada "táýelsiz Qazaqstannyń negizin qalaýshy" retinde aıqyndaý kózdelip otyrǵany habarlanǵan. Alaıda áleýmettik jelide kóptegen adam ata zańǵa N.Nazarbaevty táýelsiz Qazaqstannyń negizin qalaýshy dep jazýǵa qarsy shyǵatyndaryn jazǵan.

Keshe memlekettik hatshy Erlan Karın atalǵan ózgeristerdi jasaýshy jumys toby "tuńǵysh prezıdenttiń róli onsyz da belgili, ony jeke túrde konstıtýsııaǵa engizý qajet emes" dep pikir bildirgenderin málim etken. Konstıtýsııalyq keńes usynys konstıtýsııaǵa qaıshy kelmeıdi dep qorytyndy shyǵarǵan.

Derekkóz: KazTAG

"Qamshy" silteıdi
Ilmek sózder: Nazarbaev statýsy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir