• USD 468.56

  • EUR 497.56

  • RUB 7.3

  • CNY 67.18

29 Naýryz, 16:04:31
Almaty
+35°
AQSh barlaý málimetterin Kıevke berý arqyly ýkraın kúshterine reseılik generaldardy nysanaǵa alýǵa jáne óltirýge kómektesken, dep habarlady Nıý-Iork Taıms gazeti amerıkalyq joǵary laýazymdy sheneýnikterge silteme jasap.
 
Gazettiń jazýynsha, AQSh barlaý qyzmetinde Reseı áskerleriniń qozǵalysy týraly málimetter jáne onyń mobıldi áskerı shtabynyń ornalasqan jerleri týraly aqparattar bar. Bul aqparattardy ýkraın kúshteri shabýyl kezinde paıdalanǵan.
 
Ýkraın sheneýnikteriniń málimdeýinshe, jalpy shabýyl kezinde reseılik 12 joǵary dárejeli general qaza tapqan.
 
"Reseılik áskerdiń nashar moraldyq deńgeıi joǵary dárejeli ofıserlerdi maıdan shebine jaqyndaýǵa májbúr etti" degen boljam bar.
 
Nıý-Iork Taımsqa suhbat bergen amerıkalyq sheneýnikter shabýyldardyń qanshasyna AQSh barlaý qyzmeti kómekteskenin naqtylamady.
 
Aq úıdiń baspasóz hatshysy Nıý-Iork Taımstyń maqalasyn synap, onyń taqyryby "arandatý" jáne "jaýapkershiliksizdik" dep málimdedi.
 
AQSh Ulttyq qaýipsizdik keńesiniń ókili Adrıen Ýotson Vashıngton Ýkraınaǵa "óz elin qorǵaý" úshin urys alańynda barlaý málimetterin berip jatqanyn rastady. Alaıda ol málimetterdi berýde "reseılik generaldardy óltirý nıeti" bolmaǵanyn jetkizdi.
"Qamshy" silteıdi
Ilmek sózder: AQSh Ýkraına Reseı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir