Foto: ortcom.kz
Ortalyq kommýnıkasııalar qyzmeti alańyndaǵy brıfıngte "Azamattarǵa arnalǵan úkimet" memlekettik korporasııasynyń" basqarma tóraǵasy Súıenish Ábdildın aldaǵy ýaqytta HQKO-larda qujattandyrý termınaldaryn ornatatynyn aıtty.
– Byltyr 2,4 mln-nan astam qazaqstandyq HQKO arqyly jańa tólqujat pen jeke kýálikter alǵan. Qyzmet ishinara avtomattandyrylǵan, bul qyzmetti ár HQO-da tek kóshi-qon polısııasynyń eki qyzmetkeri kórsetedi. Sonymen qatar klıentter qujattaǵy fotosýretiniń sapasyna kóńili tolmaı, jıi shaǵymdanady. Sondyqtan biz HQKO-larda qujattandyrý termınaldaryn ornatýdy usyndyq. Qujattaý termınaldary bıometrııalyq júıemen jáne túsinikti ınterfeıspen jabdyqtalǵan. Azamattar óz betinshe sýretke túsip, sátti shyqqan nusqany tańdap, kóshi-qon polısııasy qyzmetkerine ótinim jibere alady. Búginde mundaı termınaldardy pılottyq rejımde iske qosýǵa qatysty IIM-men birlesken buıryqqa qol qoıý jónindegi másele sheshilip jatyr, – dedi spıker.
Súıenish Ábdildın byltyr bankterdiń mobaıl qosymshalarynda kólikti qaıta tirkeý qyzmeti iske qosylǵannyń arqasynda avtokólikti tirkeý ýaqyty 15-25 mınýtqa deıin qysqarǵanyn atap ótti.
Sondaı-aq spıker áleýmettik saladaǵy memlekettik qyzmetterdi bankterdiń mobaıl qosymshalary arqyly alý jaqsy damyp kele jatqanyn, sońǵy bir jylda Kaspi jáne Halyq Homebank qosymshalary arqyly 16 myń qyzmet kórsetilgenin aıtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir