• USD 431.41

  • EUR 452.94

  • RUB 6.92

  • CNY 63.83

20 Mamyr, 09:54:11
Almaty
+18°
Reseı Syrtqy ister mınıstrligi Izraıl Syrtqy ister mınıstrin "tarıhqa qarsy málimdemeler jasady" dep aıyptady.
 
Buǵan deıin Reseı Syrtqy ister mınıstri Sergeı Lavrov Gıtlerde "evreıdiń qany bar" ekenin jáne "eń agressıvti antısemıtter ádette evreıler bolady" degen oıyn aıtqan.
 
Izraıldiń syrtqy ister mınıstri Iаır Lapıd Lavrovtyń málimdemesin "keshirýge bolmaıtyn" málimdeme dep sıpattap, onyń qorqynyshty tarıhı qatelik jasaǵanyn aıtady. Lapıd "Holokostta evreıler ózderin óltirgen joq" dep keshirim suraýdy talap etti.
 
Biraq seısenbi kúni Reseı syrtqy ister mınıstrligi Lavrovtyń pikirin tipti de quptaı túsip, Lapıdti "tarıhqa qarsy málimdemeler jasady" dedi. Sonymen qatar, "bul – Izraıldiń qazirgi úkimetiniń Kıevtegi neonasıstik rejımdi nelikten qoldaıtynyn negizinen túsindiredi" dep jazdy Reseı syrtqy ister mınıstrligi .
 
Reseı "Ýkraına úkimetin neonasıster basqarady" degen negizsiz málimdemelerdi óziniń basqynshylyǵyn aqtaý retinde qoldanyp keledi.
 
Izraıl men Reseı arasyndaǵy "sóz soǵysy" eki el arasyndaǵy sońǵy ýaqyttaǵy eń kúrdeli dıplomatııalyq daǵdarysqa aınalý qaýpin týdyryp tur.
 
Izraıl Ýkraınamen de, Reseımen de dostyq qarym-qatynasta jáne Ýkraınadaǵy soǵysty toqtatý úshin halyqaralyq deldaldyqqa umtylǵan.
"Qamshy" silteıdi
Ilmek sózder: Reseı Izraıl

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir