• USD 468.56

  • EUR 497.56

  • RUB 7.3

  • CNY 67.18

29 Naýryz, 18:20:08
Almaty
+35°

AQSh-tyń Nıý-Iork qalasynda qazaq tili men mádenıetine qyzmet etýdi kózdegen “Birikken Alash” (aǵylshynsha ataýy United Alash) qory quryldy.

Qordyń qurýshysy – QHR-ǵa qarasty Altaıda týyp, birneshe elde bilim alǵan, kazir AQSh-tyń Nıý-Iork qalasyndaǵy Coldwell Banker American Homes kompanııasynda jumys isteıtin qandasymyz Ulanbatyr Baqythanuly. Ol kúlli Alash múddesin kóksegen uıym taıaýda zańdy túrde tirkelgenin aıtady. Alaıda AQSh zańdarynda talap etken barlyq sharttar boıynsha sertıfıkatyn alyp, qyzmetin búgin bastaǵan.

Mekeme Nıý-Iork shtatynyń Loń Aıland okrýgine qarasty Nassau aýdanynda tirkelgen. Degenmen, zańdy ókilettigi boıynsha AQSh kóleminde ǵana emes, halyqaralyq deńgeıde de jumys isteı alady.

Bekitilgen erejeleri men jarǵysyna sáıkes, qor qaıyrymdylyq jáne marapat jumystarymen aınalysa alady.

Fotoda Ulanbatyr Baqythanuly

Fotoda Ulanbatyr Baqythanuly

– Biz 2019 jyly 11 jeltoqsanda Nıý-Iork ýnıversıtetinde ótken AQSh-taǵy Alash jastarynyń quryltaıynda jasaǵan toptyq zııatkerlik baıandamada Amerıkadan Alashty biriktiretin United Alash degen qor qurý jaıyn kótergenbiz. “Qaı qıyrda júrse de, júregi qazaq eli dep soqqan azamattardyń basyn qosyp, birge jumys istesek, Qazaqstanymyzǵa arqaý bolsaq” degen oı edi. Árıne, bastysy keshegi Alash arystarynyń izin jalǵaý, el baqytyna qyzmet etý bolatyn. Allaǵa shúkir, sol maqsatymyzǵa qadam basyp otyrmyz”, – dedi Ulanbatyr Baqythanuly.

Búgin ǵana qyzmetin bastaǵan qordyń quryltaıshylary – Názıra Baıyrbek, Serjan Bolat jáne Ulanbatyr Baqythanuly.

Alyp Amerıkada irgesin qalap, AQSh zańdary sheńberinde qazaqtyń uly muratyna qyzmet etýdi kózdegen uıym dúnıe júzindegi barlyq belsendi qazaq azamattarmen, belsendi mekemelermen birlesip, qazaq tili men dástúriniń, qazaq mádenıeti men órkenıetiniń damýyna úles qospaq.

Derekkóz: KazUnite saıty

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir