• USD 431.41

  • EUR 452.94

  • RUB 6.92

  • CNY 63.83

20 Mamyr, 09:33:04
Almaty
+18°

Búgin Qazaqstan Respýblıkasy Jumys berýshiler Ulttyq Konfederasııasy músheleriniń kezekten tys XII sezinde Konfederasııa Prezıdıýmynyń basshysy aýysyp, Prezıdıým tóraǵasy bolyp belgili kásipker, iri ónerkásiptik jáne áleýmettik jobalardyń negizin qalaýshy Jumabek Janyqulov Esilbekuly saılandy.

Jıynǵa myń jarymnan astam kompanııany qamtıtyn 23 qaýymdastyqtyń basshylary men 100-den astam bıznes ókilderi qatysty.

Sezd barysynda konfederasııany 22 jyl boıy basqaryp kelgen QR Premer-mınıstriniń eks-orynbasary Qadyr Baıkenov ókilettigin toqtatatty.

Prezıdıýmynyń jańa tóraǵasy Jumabek Janyqulov konfederasııanyń strategııalyq baǵyttaryn, orta merzimdi jáne uzaq merzimdi jumys josparlaryn belgiledi. Endi Konfederasııa áleýmettik jáne ekonomıkalyq baǵytta jumys berýshilerdiń múddelerin qorǵaý mıssııasyn ózine júktep otyr.

Budan bólek jańa tóraǵa birqatar qurylymdyq jáne kadrlyq ózgeristerdi engizdi. Soǵan saı, prezıdıýmnyń jańa quramy quryldy. Oǵan Qundy metaldardy óndirýshiler assosıasııasynyń Bas dırektorynyń orynbasary, QR IIDM Indýstrııalyq damý komıtetiniń burynǵy tóraǵasy Qanat Baıtov, HeidelbergCement transulttyq kompanııasynyń Ortalyq Azııa boıynsha bas dırektory Voıseh Halat, «Qaǵanat» qoǵamdyq tamaqtaný jelisiniń negizin qalaýshy jáne ıesi Shynar Bógembaeva, Kásipker-mesenat, «Daco Motors Kazakhstan» JShS kompanısynyń jáne birqatar áleýmettik jobalardyń negizin qalaýshy Syrymbek Taý, «Dentons» halyqaralyq zań kompanııasynyń Basqarýshy seriktesi Abaı Shaıkenov, Konfederasııa dıreksııasynyń Bas dırektory Aıdos Abıhanov sekildi belgili azamattar endi.

«PARYZ» Prezıdıýmynyń jańadan saılanǵan Tóraǵasy Jumabek Janyqulov óz sózinde "Myqty jáne táýelsiz áleýmettik-ekonomıkalyq ınstıtýttarsyz, turaqty ekonomıkasy bar jetilgen memleketti qalyptastyrý múmkin emestigin atap ótti.

 

– "PARYZ" Konfederasııasynyń ataýyna sáıkes, balalarymyzǵa laıyqty bolashaqty qamtamasyz etý, árbir adam ózin-ózi júzege asyra alatyn kemel memleketti muraǵa qaldyrý – barshamyzdyń ortaq paryzymyz, – dedi jańa tóraǵa.

 

Foto: Forbes.kz

Jumabek Janyqulov Qazaqstandaǵy beldeldi de belgili iri kásipker, mesenat. Talaı adamdy jumyspen qamtyp, ekonomıkaǵa ınvestısııa tartyp, el yrysyn arttyrýǵa úlken eńbek sińirgen, bıýdjetke qyrýar salyq tólep, qazynany baıytý jolynda qyzmet jasap júrgen atpal azamattardyń biri. Qazaqstannan munaı-gaz salasyndaǵy alpaýyt amerıkalyq transulttyq Halliburton kompanııasynyń fılıalyn ashýǵa kúsh salǵan. 31 jasynda elge 30 mıllımon dollar ınvestısııa tartyp, búginde memleketke tartqan ınvestısııadarynyń jalpy kólemi 100 mln dollardan asyp jyǵylady.

Jumabek Janyqulov ózin-ózi jasaǵan Self-made man tulǵa. Máselen, ol Almatydaǵy respýblıkalyq fızıka-matematıka mektebinde bilim alyp júrgende matematıkadan repetıtor jaldaý úshin tańnan turyp, mektep aýlasyn sypyryp, jastaıynan eńbekke aralasqan. Osylaısha kásipkerdiń bilimge, úırenýge, qatarynan qalmaýǵa degen zor talpynysy men ójettigi, tabandylyǵy men tózimdiligi jasynan baıqalǵan.

Jumys berýshiler Konfederasııasy 2000 jyly qurylyp, sodan beri Qazaqstanda áleýmettik áriptestikti ilgeriletýde, eńbek pen trıpartızmniń joǵary standarttaryn engizý maqsatynda qyzmet atqaryp keledi. Konfederasııanyń jumysyn halyqaralyq qaýymdastyq joǵary baǵalaǵan. Onyń qatarynda Konfederasııanyń seriktesi – BUU Halyqaralyq eńbek uıymy da bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir