Foto: BBC.com
Birikken Ulttar Uıymynyń Bas hatshysy Antonıý Gýterrısh Kıevte Ýkraına prezıdenti Vladımır Zelenskıımen kelissóz júrgizbek.
Ýkraınadaǵy soǵysqa baılanysty Gýterrısh osy aptanyń basynda Máskeýge barǵan. Máskeýdegi kelissózderde Gýterrısh BUU Reseıdiń áreketin "basqynshylyq" dep sanaıtynyn jetkizdi. Ol Reseı men Ýkraınany qaýipsiz gýmanıtarlyq dálizder qurý úshin birlesip jumys isteýge birneshe ret shaqyrǵanyn aıtty.
Sondaı-aq ol portýgaldyq BAQ-qa Pýtın Marıýpoldaǵy metallýrgııalyq zaýytta qalyp qoıǵan júzdegen beıbit turǵyndy evakýasııalaýǵa kómektesýge keliskenin aıtty. BBC aqparatynsha, evakýasııalaý operasııasy kúrdeli jáne názik ekenin málimdegen.
Gýterrısh Kıevke qonǵannan keıin tvıtterde "gýmanıtarlyq qoldaýdy keńeıtý jáne beıbit turǵyndardy qaqtyǵys aımaqtarynan evakýasııalaý boıynsha jumysymyzdy jalǵastyramyz" dep ýáde berdi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir