• USD 468.56

  • EUR 497.56

  • RUB 7.3

  • CNY 67.18

28 Naýryz, 17:37:43
Almaty
+35°

Almatyda búgin tirkelmegen Demokratııalyq partııanyń birneshe ókilin polısııa qamaýǵa aldy.

Belsendi, jýrnalıst Inga Imanbaıdyń aıtýynsha, polısııa ustap alyp ketkenderdiń qatarynda belsendiler Meıirhan Jolaev, Arýjan Dúısebaeva, Gúlnár Mırmambetova, Nurbol Baıterekov, Nurbol Kasymbekov bar. Meıirhan Jolaev pen Arýjan Dúısebaevany "beıbit jıyn ótkizý tártibin buzdy" degen aıyppen 15 táýlikke qamaǵan.

Sondaı-aq polısııa búgin belsendi Abzal Dostııarovty úıine izdep barsa, keshe Dáýren Dostııarovty polısııa alyp ketpek bolǵan.

Inga Imanbaı búgin uıymdastyrylǵan baspasóz máslıhaty kezinde sońǵy ýaqytta "Dempartııa" ókilderin ańdý jıilegenin, polısııanyń bul áreketin 7 mamyr kúngi mıtıngpen baılanystyratynyn málim etti.

Belsendiler 7 mamyrda mıtıngke shyǵyp, qamaýda otyrǵan bastamashyl top jetekshisi Janbolat Mamaıdy bosatýdy talap etýdi josparlaǵan. Inga Imanbaıdyń ózi de áldeneshe ret prokýratýra tarapynan shaqyrý alǵanyn jetkizdi. Sózinshe, 4 qańtar kúngi tikeleı efır men vıdeolardaǵy daýsyna saraptama jasalyp, sony tergegeli jatyr.

Sonymen qatar búgin belsendi Nurbol Qanatbekov ustalar aldynda Janbolat Mamaıdyń ákesin kólikpen áketip bara jatqanda jol apatyna ushyraǵan. Ol kólik toqtap turǵanda belgisiz er adam terezesin qaǵyp, ashqan kezde moınynan qylqyndyra bastaǵanyn, odan qutylmaq bolyp, kelesi kólikke soǵylǵanyn aıtady.

Belsendiler "júrgizýshige shabýyldaǵan adamdy polısııa alyp ketti, biraq onyń túr-túlǵasyn áli aıtpady, ol ózderiniń arandatýshysy bolýy múmkin" dep otyr.

Belsendi, oppozısıoner Janbolat Mamaı aqpan aıynan beri qamaýda otyr. Ol aldymen qańtar oqıǵasy qurbandaryna arnalǵan qaraly mıtıngti uıymdastyrǵany úshin 15 táýlikke, artynsha eki qylmystyq is boıynsha eki aıǵa qamaýǵa alynǵan. Oǵan  "qarabet" degeni úshin quqyqqorǵaý organy qyzmetkerin qorlady, nesıe amnıstııasyna baılanysty "jalǵan aqparat" taratty degen aıyp taǵylyp otyr. Atalǵan aıyptarǵa sáıkes, sot kináli dep tapsa, belsendi 3 jylǵa bas bostandyǵynan aıyrylýy múmkin.

Janbolat Mamaıdyń jaqtastary men adam quqyǵy salasyndaǵy bedeldi halyqaralyq Human Rights Watch jáne Amnesty International uıymdary belsendini qýdalaýdyń saıası astary bar ekenin aıtady.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir