• USD 431.41

  • EUR 452.94

  • RUB 6.92

  • CNY 63.83

20 Mamyr, 10:57:17
Almaty
+20°
Tuńǵysh prezıdent Nursultan Nazarbaevtyń mártebesi el konstıtýsııasyna bekitiletini onyń ókiletin arttyrmaıdy, kerisinshe taryltady. Bul týraly konstıtýsııany ózgertý jónindegi jumys tobynyń múshesi Ermek Ábdirasulov jýrnalıst Nartaı Aralbaıulyna bergen suhbat barysynda málim etti.
 
Onyń aıtýynsha, konstıtýsııaǵa Nursultan Nazarbaev "táýelsiz Qazaqstannyń negizin qalaýshy" degen tirkes tek Nazarbaevtyń tarıhı rólin aıqyndaý úshin ǵana qosylǵan. Bul eks-prezıdentke eshqandaı ókilet bermeıdi. Kerisinshe endi Nursultan Nazarbaevqa aıryqsha quzyretter men kepildikter beretin 2000 jyly qabyldanǵan "Qazaqstan Respýblıkasynyń Tuńǵysh Prezıdenti - Elbasy týraly" konstıtýsııalyq zań kúshin joıady.
 
Atalǵan zań eks-prezıdentti qylmystyq jaýapkershilikten bosatatyn, oǵan saı ózi men birge turatyn týystarynyń dúnıe-múlkine eshkim qol suǵa almaıtyn, banktik shottarynyń banktik qupııalyǵyna jáne olarǵa tıispeýshilikke kepildik beriletin.
 
Ermek Ábdirasulov Nursultan Nazarbaev prezıdent bolyp turǵan kezindegi sheshimderi úshin jaýap bermeıtinin, biraq qyzmetin asyra paıdalanyp, qylmystyq áreketterge barǵany anyqtalsa, zań aldynda jaýapty bolatynyn atap ótti.
 
Buǵan deıin Ermek Ábdirasulov tuńǵysh prezıdent mártebesi konstıtýsııada "táýelsiz Qazaqstannyń negizin qalaýshy" retinde aıqyndalatynyn habarlaǵan. Buǵan áleýmettik jelide kópshilik qarsylyq bildirgen. Konstıtýsııalyq ózgeristi bastapqyda jurtshylyqtyń basym bóligi eks-prezıdenttiń ımmýnıteti kúsheıtilgeli jatyr dep túsinip qalǵan.
 
 
"Qamshy" silteıdi
Ilmek sózder: Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir