Foto: Getty
Reseı Syrtqy ister mınıstri Sergeı Lavrov Ýkraınadaǵy qaqtyǵystyń úshinshi dúnıejúzilik soǵysqa ulasyp ketý qaýpi baryn jáne NATO Kıevti qarý-jaraqpen qamtamasyz etý arqyly Máskeýmen janama soǵysyp jatqanyn eskertti.
Reseılik aqparat agenttikterine suhbat bergen Lavrov Kıevtiń kelissózderge degen kózqarasyn synady.
"Biraq biz [Ýkraına prezıdenti Vladımır] Zelenskııdiń delegasııasymen kelissózder júrgizýdi jalǵastyryp jatyrmyz. Bul baılanystar jalǵasa beredi" dedi Lavrov.
Ol "burynǵy akter Zelenskııdi kelissózder júrgizip jatqandaı keıip tanytty" dep aıyptady.
"Ol jaqsy akter. Eger onyń aıtqanyn muqııat qarap, muqııat oqysańyz, myń qaıshylyq tabasyz" deıdi Lavrov.
Lavrov úshinshi dúnıejúzilik soǵystyń qaýpi shynaıy ekenin aıtady. Ol "Interfaks" agenttigine bergen suhbatynda "Qaýip-qater aýyr, úshinshi dúnıejúzilik soǵys qaýpi – shyn, ony baǵalamaýǵa bolmaıdy" dedi.
Onyń aıtýynsha, Kıev bıligi adal kelissózder júrgizip jatqan joq. Burynǵy akter Vladımır Zelenskıı Brıtan premer-mınıstri Borıs Djonson sııaqty kelissózderge emes, alǵa qoıylǵan mindetke júginbeı, jurtshylyq aldynda oınaǵan.
Lavrov málimdemesinen birneshe saǵat buryn AQSh Memlekettik hatshysy Antonı Blınken men AQSh qorǵanys mınıstri Lloıd Ostın Kıevke baryp, Ýkraınaǵa kóbirek áskerı kómek kórsetýge ýáde bergen. Ostın Amerıka Qurama Shtattary Reseıdiń álsiregenin kórgisi keletinin jáne Máskeýdi jeńý úshin Ýkraınany qarýlandyrýǵa ýáde bergenin aıtty.
AQSh sondaı-aq osy aptada Ýkraınaǵa qatysty 40-tan astam eldiń basyn qosyp, jınaly ótkizbek. Ol jerde Ýkraınaǵa kóbirek qarý-jaraq jetkizilimine nazar aýdarylady dep kútilip otyr.
Lavrovtyń aıtýynsha, Reseı qandaı jaǵdaıda da ıadrolyq soǵysty boldyrmaýǵa umtylý prınsıpin saqtaý úshin kóp jumys istep jatyr.
"Bul – bizdiń barlyǵyn negizge alatyn negizgi ustanymymyz. Qazir rısk aıtarlyqtaı" dedi Lavrov. Reseı sońǵy ýaqytta ıadrolyq kúshterin joǵary daıyndyqqa qoıǵan.
Reseıdiń eki aıdan bergi Ýkraınaǵa shabýyly 1945 jyldan beri eýropalyq memleketke jasalǵan eń iri shabýyl bolyp otyr. Soǵys myńdaǵan adamnyń ómirin qıdy, qalalar men eldimekender qırandyǵa aınaldy, 5 mıllıonnan astam adam shetelge qashýǵa májbúr boldy.
Máskeý óz áreketterin Ýkraınany qarýsyzdandyrý jáne ony fashısterden qorǵaý jolyndaǵy arnaıy áskerı operasııa dep ataıdy. Kıev pen Batys muny Reseı prezıdenti Vladımır Pýtınniń egemen elge qarsy sebepsiz basqynshylyq soǵysy úshin oılap shyǵarǵan jalǵan syltaýy deıdi.
"Financial Times" gazeti Reseı prezıdentimen áńgimelesken úsh adamǵa silteme jasaı otyryp, Pýtın endi múmkindiginshe Ýkraına aýmaǵyn basyp alýǵa nıetti ekenin dep habarlady.
Máskeý endi Ýkraınanyń shyǵysyndaǵy negizinen orystildi ónerkásiptik aımaq Donbasty alý maqsatyn aıtady. Eki jaq ta shyǵysta áskerı áreketter júrip jatyr dep málimdegenimen, Reseı áli tolyq qurlyq shabýylyn bastaǵan joq jáne aıtarlyqtaı jetistikterge jetken joq dep eseptelinedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir