• USD 431.41

  • EUR 452.94

  • RUB 6.92

  • CNY 63.83

20 Mamyr, 10:59:26
Almaty
+20°

Máskeý Ýkraınanyń shyǵysynda shabýyyn kúsheıtip jatyr. Shyǵysta qatty atys jalǵasyp, Vınnısa oblysy men bes temirjol vokzalynda shabýyldar tirkeldi.

Reseı kúshteri qanatty zymyrandarmen Ýkraınanyń ońtústik-batysyndaǵy Vınnısa oblysynyń eki qalasyn atqylady dep habarlady oblystyń gýbernatory Sergeı Borzov. Sózinshe, Jmerynka jáne Kozıatın qalalaryndaǵy mańyzdy ınfraqurylym nysandary zymyranmen atylǵan.

"О́lgender men jaralanǵandar bar" dedi Borzov Telegram-da.

Reseı AQSh-qa Ýkraınaǵa qosymsha qarý bermeýdi eskertti

Reseıdiń Vashıngtondaǵy elshisi "Rossııa 24" telearnasyna bergen suhbatynda Máskeý Vashıngtonǵa Kıevke kóbirek qarý jibermeý týraly eskertý jasaǵanyn aıtty.

"Amerıka Qurama Shtattary Ýkraınaǵa qarýlardy kóptep berip jatqan kezde biz mundaı jaǵdaıdyń qabyldanbaıtynyn atap óttik jáne biz bul tájirıbeni toqtatýdy talap ettik" dedi Anatolıı Antonov "Rossııa 24" telearnasyna bergen suhbatynda.

Temirjol vokzalyna shabýyl

"Reseı kúshteri tańertek Ýkraınanyń ortalyq jáne batysyndaǵy bes temirjol vokzalyna soqqy berdi" dep habarlady eldiń temirjol qyzmetiniń basshysy Aleksandr Kamyshın.

"Zardap shekkender bar, biz jaǵdaıdyń egjeı-tegjeıin anyqtap jatyrmyz" dedi ol jelidegi jazbasynda. Kamyshın kem degende 16 poıyzdyń ýaqyt kestesi ózgergenin aıtty.

Reseı Ýkraınanyń munaı bazasy men áskerı nysandaryna soqqy berdi

"Reseı qorǵanys mınıstrligi ásker Ýkraınanyń Kremenchýg munaı óńdeý zaýytyna jáne Ýkraınanyń áskerı nysandaryna soqqy berip qıratty" dep habarlady TASS aqparat agenttigi.

Agenttik sondaı-aq Reseıdiń áýe shabýylyna qarsy qorǵanys júıeleri Harkov oblysyndaǵy aýdandarda Ýkraınanyń on shaqty ushqyshsyz ushatyn apparatyn atyp túsirgenin atap ótti.

Lýganskide qutqarý jumystary jalǵasyp jatyr

"Reseı kúshteri Lýgansk oblysyn atqylaǵannan keıin qutqarýshylar Lysychanskidegi órtti sóndirýge jáne Severodonesktegi úıindi astynan máıitterdi shyǵarýǵa jumys istep jatyr" dep habarlady Ýkraınanyń tótenshe jaǵdaılar qyzmeti Telegram-kanalynda.

"Qutqarýshylar oq atý qaýpine qaramastan, órtti joıyp, kásibı mindetterin úzdiksiz atqaryp jatyr" delingen habarlamady.

Ál-Jazıra: Laımanda surapyl atys bolyp jatyr

"Reseı kúshteri shyǵystaǵy Slavıansk qalasyna basyp kirip, jaqyn mańdaǵy Laıman qalasy qazirdiń ózinde aýyr shabýylǵa ushyrady" dep habarlady Ál-Jazıra telearnasy.

Telearna aqparatynsha, adamdar býnkerlerdi panalap jatyr.

Reseıdiń shabýyldaryna qaramastan qalaǵa kirýge tyrysatyndar da bar. "Bizde basqa tańdaý joq, bizdiń úıimiz sonda jáne Dneprde turýǵa shamamyz joq" deıdi bir otbasy qonys aýdarǵan adamdar kezdesetin qıyndyqtardy atap ótip.

Ýkraına áskeri: Azovstalda oq borap tur

"Reseı kúshteri Azovstal metallýrgııalyq zaýytyna soqqy berdi" dep habarlady Ýkraına áskerıleri.

Bolat zaýyty Marıýpoldiń ońtústigindegi qarsylasýdyń sońǵy taban tireginiń biri bolyp esepteledi. Onda júzdegen ýkraınalyq jaýyngerler men 1000-ǵa jýyq beıbit turǵyn jer asty týnnelderinde jasyrynyp otyr.

Reseı Ýkraınanyń shyǵysyndaǵy Popasna qalasyna shabýyl jasady

"Reseı kúshteri Lýgansk oblysynyń ońtústik-shyǵysyndaǵy 20 myń turǵyny bar Popasna qalasyna basyp kirdi" dep habarlady Ýkraına qarýly kúshteriniń bas shtaby.

Ony basyp alý Lýgansk pen kórshiles Donesktegi ýkraındyq kúshterdi qorshaýdy jeńildetýi múmkin, óıtkeni qala mańyzdy kólik torabyna jaqyn tóbede ornalasqan.

"Qamshy" silteıdi
Ilmek sózder: Ýkraına Reseı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir