• USD 470.9

  • EUR 496.94

  • RUB 8.83

  • CNY 70.33

25 Maýsym, 04:45:54
Almaty
+15°
Qańtar oqıǵasynan keıin qamalyp, búginde qylmystyq kodekstiń 5-baby boıynsha tergelip jatqan UQK-niń eks-tóraǵasy Kárim Másimovtyń qamaýda ustaý jaǵdaıyna, onyń ishinde medısınalyq kómektiń kórsetilýine qatysty shaǵymdanbaǵan. Bul týraly Sputnik Qazaqstan basylymy UQK silteme jasaı otyryp habarlady.
 
"Ulttyq qaýipsizdik komıtetiniń tergeý ızolıatorynda K.Másimov Qazaqstan Respýblıkasynyń zańnama talaptaryna sáıkes materıaldyq-turmystyq jáne medısınalyq-sanıtarlyq jaǵynan qamtamasyz etilgen. Onyń tarapynan kúzetpen ustaý jaǵdaıynda, onyń ishinde medısınalyq kómek kórsetýge qatysty shaǵym túspegen" delingen Ulttyq qaýipsizdik komıteti habarlamasynda.

13 sáýir kúni Karimmassimov.com saıtynda Kárim Másimovtiń densaýlyǵy nasharlaǵany, dárigerler ony dereý qamaýdan bosatý kerektigin aıtyp otyrǵany týraly aqparat shyqqan. Áleýmettik jelide aqparatty Másimovti bosatý boıynsha pıar-kompanııa dep habyldaǵandar kóp boldy.

Búginde qamaýda otyrǵan Másimovtiń tergeý kezinde anyqtalǵan múlki buǵattalǵan. Oǵan atysty qylmystyq kodekstiń tómendegideı 5-baby boıynsha tergeý júrip jatyr.

♦ QK 336-baby 4-bóligi – "Para alý"

♦ QK 362-baby 4-bóligi 3-tarmaǵy – "Bılikti nemese laýazymdyq ókiletigin asyra paıdalaný"

♦ QK 175-baby 1-bóligi – "Memleketke opasyzdyq jasaý"

♦ QK 179-baby 3-bóligi – "Bılikti basyp alýdy nemese ustap turýdy nasıhattaý nemese oǵan jarııa túrde shaqyrý, sol sııaqty bılikti basyp alý nemese ustap turý ne Qazaqstan Respýblıkasynyń konstıtýsııalyq qurylysyn kúshtep ózgertý"

♦ QK 218-baby 3-bóligi 3-tarmaǵy – "Qylmystyq jolmen alynǵan aqshany jáne (nemese) ózge múlikti zańdastyrý (jylystatý)"

"Qamshy" silteıdi
Ilmek sózder: Kárim Másimov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir