• USD 468.56

  • EUR 497.56

  • RUB 7.3

  • CNY 67.18

29 Naýryz, 18:49:32
Almaty
+35°
Reseıdiń Ýkraınada soǵysyp jatqan qurlyqtaǵy áskeri sheginip, Qara teńizdegi áskerı flagmannyń apatqa ushyraýyna baılanysty Máskeýdiń áskerı sátsizdikteri órshı tústi. Áskeri álemdegi eń myqtylardyń biri dep sanalyp kelgen eldi sany men qýaty jóninen ózinen az kúsh qanǵa bóktirip jatqanyn asa yjdahat tanytyp baqylap otyrǵan bir el bolsa, ol Qytaı, dep jazady Associated Press agentigi.

Basylym Qytaı Reseı sııaqty qarýly kúshterin keńestik úlgide jasaqtaıtyndyqtan, Sı Szınpın Reseı áskeriniń Ýkraınadaǵy basqynshylyq kezinde áshkerelengen álsiz tustaryn muqııat saraptaıtynyn jazady. Sol arqyly mundaı jaǵdaı óziniń Halyqtyq azat etý armııasynyń basyna kelýinen, Taıvan aralyna baılanysty qarym-qatynasynda qaıtalanýynan saqtanǵysy keledi.

Massachýsets tehnologııa ınstıtýty qaýipsizdik salasyndaǵy zertteý baǵdarlamasynyń dırektory Teılor Fravel Reseı áskeri ondaǵan jyl boıǵy úlken reformany, ınvestısııany bastan ótkergenine, Grýzııa, Sheshenstan, Sırııa men Qyrymdaǵy sııaqty qıyldarǵa qaramastan, Ýkraınaǵa basyp kirgende oısyraı sátsizdikke ushyrap jatqanyna nazar aýdardy.

 

Sózinshe, sarapshylar Ýkraınaǵa basyp kirgende Reseıdiń tıisti daıyndyǵynyń bolmaǵanyna, urys alańynda baǵdary nasharlyǵyna, áýedegi jáne jerdegi operasııalardy tıimdi úılestire almaǵanyna tań qalǵan.

 

Soǵys barysynda Reseı jaýyngerleriniń tamaǵy taýsylyp, kólikteri synǵan. Úlken shyǵynǵa ushyrap, áskerin Kıevten shegindirýge májbúr bolǵan. О́tken aptada zymyrandyq "Moskva" kemesi sýǵa batyp ketti. Ýkraına ony atyp túsirgenin aıtsa, Reseı tarapy apatqa keme bortyndaǵy órt sebep boldy deıdi.

 

Fravel "osynyń bárin kórip otyrǵan Sı Szınpın áskeri týraly shynaıy aqparat alyp otyrmyn ba dep oılanýy ábden múmkin" deıdi.

 

AQSh-taǵy memlekettik qyzmet kórsetý boıynsha kompanııanyń aǵa konsýltanty Devıd Chen Qytaı áskerı sheberligine baǵa beretindeı sońǵy ýaqytta iri konflıktke túspegenin, sońǵy iri qaqtyǵys Vetnammen 1979 jyly bolǵanyn atap ótti.

– Qytaı qaqtyǵys kezinde belgisiz faktorlardyń kútkendegiden de kóp bolatynyn alańdatarlyq sıgnal esebinde qabyldap otyr. Reseıdiń Ýkraınadaǵy tájirıbesi Áskerı ǵylym akademııasy men Ulttyq qorǵanys ýnıversıtetiniń qaǵazdaryndaǵy shynaıy bolyp kórinetin jaıttan is júzinde aıtarlyqtaı kúrdeli bolýy múmkin ekenin ańǵartty, –  deıdi Devıd Chen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir