Reseı Kıevke taǵy da soqqy berýge ýáde berdi

Reseı qorǵanys mınıstrligi Ýkraınanyń astanasy Kıevke zymyrandyq soqqylar jasaǵanyn málim etti.

 

Máskeý Ýkraınany Reseıde terakt uıymdastyrdy dep kek alý maqsatynda shabýyldardy kúsheıetinin eskertti.

 

Reseı qanatty zymyrandary Kıevtegi áýe qorǵanysy júıeleri men kemege qarsy zymyrandar shyǵaratyn zaýytqa túnde soqqy bergenin aıtty.

 

"Zaýyttyń uzaq jáne orta qashyqtyqqa ushatyn zenıttik-zymyrandyq keshenderi, sondaı-aq kemege qarsy zymyrandar shyǵaratyn jáne jóndeýge arnalǵan sheberhanalary joıyldy" delingen mınıstrliktiń Telegram-kanalynda jarııalaǵan málimdemesinde.

 

Beısenbide Máskeý Ýkraınany "Reseıdiń birneshe qalasyna shabýyl jasaý úshin shekaradan tikushaq jiberdi" dep aıyptaǵan.