• USD 470.9

  • EUR 496.94

  • RUB 8.83

  • CNY 70.33

25 Maýsym, 04:23:00
Almaty
+15°

Foto "Salıqaly urpaq" qoǵamdyq qorynyń avtorlyq quqyǵymen qorǵanǵan

Vedomstvoaralyq tergeý toby (UQQ, Antıkor, QMA) Bolat Nazarbaevtyń memleketten keń kólemde aqsha jymqyrý faktilerin, jáne eń bastysy "Qańtar oqıǵasyn" uıymdastyrýǵa qatysyn da izdestirýde. Bul týraly "DALA ınsaıd" telegram-kanaly kanaly habarlady. Telagram kanal mundaı málimetti óziniń organdarǵa jaqyn derekkózi bóliskenin jazady.

"Onyń aıtýynsha, Qaırat Satybaldyny tergeý prosessiniń ekonomıkalyq kezeńi aıaqtalýǵa jaqyn jáne qazirgi fokýs "Qańtar oqıǵasyn" uıymdastyrý barysyna aýysty. Tergeý osy isterge Bolat Nazarbaevtyń qatysy bar ma, sony bilgisi keledi. Biraq, sońǵy aqparattar boıynsha onyń ózi Qazaqstanda joq. Qyrǵyzstannyń kloop.kg aqparat agenttigi Bolat Nazarbaevtyń qańtar oqıǵasy kezinde Bishkek arqyly Dýbaıǵa ushyp ketkenin habarlaǵan bolatyn. Odan keıin ashyq derekterde onyń Qazaqstanǵa oralǵany jóninde aqparat shyqqan emes" delingen aqparatta.

Aqparattyń ras-ótirigin tek resmı organdar ǵana rastaı alady.

Eks-prezıdent Nursultan Nazarbaev pen onyń otbasy múshelerine aıryqsha statýs beretin "Qazaqstan Respýblıkasynyń Tuńǵysh Prezıdenti - Elbasy týraly" zańǵa sáıkes, Nazarbaev pen otbasy múshelerin qylmystyq jaýapkershilikke tartýǵa bolmaıdy. Sondyqtan quzyrly organdardyń Bolat Nazarbaevty tergeı alatyny, ıa almaıtyny naqty belgili emes. Alaıda jýyrda ádilet mınıstri Qanat Mýsın atalǵan zań Elbasy jáne onymen birge turatyn otbasy músheleri ǵana qoldanylatynyna nazar aýdanyp, Nazarbaevtyń nemere inisi Qaırat Satybaldyny qamaýǵa alý Elbasy týraly zańǵa qaıshy kelmeıtinin málim etken.

"Qamshy" silteıdi
Ilmek sózder: Bolat Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir