• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 19:13:03
Almaty
-3°

Shymkent qalasy polısııa departamenti ózindik qaýipsizdik basqarmasy departament baspasóz qyzmetiniń burynǵy basshysy Móldir Bekeevanyń sýısıd jasaýǵa árekettengenin rastady.

Sondaı-aq basqarma Bekeeva qoshtasý hatynda jazǵandaı, onyń ústinen qylmystyq kodekstiń 378-baby 1-bóligi (bılik ókilin qorlaý) boıynsha qylmystyq is qozǵalǵanyn da rastap, isti qozǵaýǵa ne sebep bolǵanyn túsindirdi.

"Naýryz aıynyń sońynda Youtube-kanalda PD baspasóz qyzmetiniń jetekshisi delingen adam polısııa qyzmetkerine boǵaýyz sóz aıtyp jatqany jazylǵan jazba jarııalandy. Soǵan baılanysty Shymkent PD basshysy (Qaırat Dálbekov – red) sotqa deıingi tekseris taǵaıyndady. Nátıjesinde ózindik qaýipsizdik basqarmasynyń qyzmetkerleri baspasóz qyzmetiniń jetekshisimen bolǵan áńgimeni jazyp alǵan polıseıdi anyqtady. Qyzmetker úıiniń jalǵyz asyraýshysy bolǵandyqtan, áńgimeni óziniń jumys ornyn saqtap qalý maqsatymen byltyrǵy jeltoqsanda jazylǵanyn jetkizdi" delingen habarlamada.

О́QB polıseı operatıvtik ortalyq basqarmasynyń mamany bolyp júrgen jerinen PD-nyń burynǵy basshysynyń komandasy boıynsha baspasóz hatshynyń qol astyna jiberilgenin málim etti.

"Bekeeva kúnde janjal shyǵaryp, boǵaýyz sózben polıseıdiń ar-namysyna tıip, tipti jumystan qýylasyń dep qorqytqan. Sonyń saldarynan polıseı jazbany WhatsApp arqyly dostaryna bólisip, ózi moraldyq, psıhologııalyq qysymdy kótere almaı aýrýhanaǵa túsip qalǵan. Onyń sózderin Bekeevamen 10 aıdaı birge istegen baspasóz qyzmetiniń qyzmetkerleri, kadr jumystarymen aınalysqan mamandar, 5 júrgizýshi rastap otyr" deıdi basqarmadaǵylar.

Basqarma polıseı aryzy boıynsha Bekeevanyń ústinen qylmystyq kodekstiń 378-baby 1-bóligine (bılik ókilin qorlaý) saı qylmystyq is qozǵalǵanyn, al sýısıd jasaý áreketine baılanysty qylmystyq kodekstiń 105-baby (ózin-ózi óltirýge deıin jetkizý) boıynsha qylmystyq is qozǵalǵanyn atap ótti.

Buǵan deıin Shymkent qalasy polısııa departamentiniń endi eks-resmı ókili Móldir Bekeeva departamentke basshy bolyp kelgenine kóp bolmaǵan Qaırat Dálbekovtyń qylmystyq isterin júzege asyrýǵa atsalyspaǵany úshin onyń tarapynan qýdalaýǵa ushyrap, psıhologııalyq qysym kórgendikten óz erkimen jumystan ketip, ózine qol salmaq bolǵany habarlanǵan.

Ol qoshtasý hatynda Qaırat Dálbekov eks-prezıdent Nursultan Nazarbaevtyń qudasy, jemqorlyq áreketterimen aty shyqqany týraly aıtqan.

Móldir Bekeeva qazirgi ýaqytta jansaqtaý bóliminde komada jatyr, jaǵdaıy turaqty aýyr.

Derekkóz: KazTAG

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir