26 Naýryz, 2022 Ekonomıka
Kórneki sýret/agroinfo.kz
О́tken aptada áleýmettik mańyzy bar azyq-túlik taýarlary baǵasynyń 1,7%-ǵa ósken. Al jyl basynan bergi qymbatshylyq 9,9%-dy quraǵan. Bul týraly premer-mınıstr Álıhan Smaıylovtyń tóraǵalyǵymen ótken eldegi áleýmettik-ekonomıkalyq jaǵdaıdy turaqtandyrý jónindegi jedel is-qımyl josparyn oryndaý boıynsha kezekti keńes barysynda aıtyldy.
Bir apta ishinde eń kóp qymbattaǵan ónimder: qyryqqabat – 11%, pııaz – 9,3%, qant – 6,3%, kartop – 4,7%, sábiz – 3,3%, taýyq jumyrtqasy – 1,7%.
Bir aptada áleýmettik mańyzy bar azyq-túlik taýarlary baǵasynyń eń joǵary ortasha ósimi Almaty qalasynda jáne Qaraǵandy oblysynda – 3,5%-ǵa, Túrkistan oblysynda – 2,5%-ǵa, Jambyl oblysynda – 2,2%-ǵa tirkelgen.
"Baǵanyń negizsiz ósýine jol bermeý, ınflıasııany ruqsat etilgen shekterde ustap turý jáne makroekonomıkalyq turaqtylyqty qamtamasyz etý maqsatynda ótken aptada elimizde monıtorıngtik toptardyń jumysy respýblıkalyq mańyzy bar qalalar men óńirler deńgeıinen aýdandar deńgeıine deıin keńeıtildi. Premer-Mınıstrdiń Túrkistan oblysynan erte pisetin kókónisterdi jetkizýge aldyn ala sharttar jasaý týraly tapsyrmasyn oryndaý maqsatynda Qazaqstannyń 9 óńiri kelisimshart jasap, erte pisetin qyryqqabatty jetkizýge qarajat bóldi. Aýyl sharýashylyǵy mınıstrliginiń aqparatyna sáıkes, Qazaqstan Respýblıkasynda 2022 jylǵy 24 naýryzdaǵy jaǵdaı boıynsha shamamen 1,1 mln tonnany quraıtyn ÁMAT jetkilikti qory qalyptastyryldy. Atap aıtqanda, kartop qory 380 myń tonnany quraıdy, erte egin boljamy 170 myń tonnadan asady; 32 myń tonna qyryqqabat saqtalýda. Búgingi tańda qant qory 34,5 myń tonnany quraıdy (eldiń ortasha jyldyq qajettiligi – shamamen 44 myń tonna), oǵan qosa keıin óńdeletin 30 myń tonna qant shıkizaty bar" delingen úkimettiń baspasóz qyzmeti taratqan habarlamada.
Monopolııaǵa qarsy áreket etý sharalaryn qoldaný aıasynda taýyq etin kóterme saýdada jetkizýshi (Qostanaı oblysy), taýyq jumyrtqasyn óndirýshiler (Qaraǵandy, Aqmola, Pavlodar, Soltústik Qazaqstan oblystary), kóterme saýdada jetkizýshi (Aqtóbe oblysy), ammıak selıtrasyn (Mańǵystaý oblysy) jáne ammofos óndirýshiler (Almaty) boıynsha 8 tergeý júrgizilip jatyr.
Qoldanylǵan materıaldarǵa mindetti túrde primeminister.kz saıtyna gıpersilteme berilýi tıis.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir