24 Naýryz, 2022 NEWS О́zgertý

Qazaqstanda áleýmettik jelilerdi buǵattaýǵa múmkindik beretin zańǵa qarsy petısııa iske qosyldy

Foto: secure.avaaz.org

QR Parlamentiniń Senaty men Prezıdentin áleýmettik jeliler men messendjerler jumysyn shekteýge múmkindik beretin túzetýlerdi qabyldaýdan bas tartýǵa shaqyrǵan petısııa jarııalandy. Petısııa avtory jýrnalıst, Factcheck Kazakhstan jobasynyń bas redaktory Dýman Smaqov. Qazirgi ýaqytta petısııaǵa 2500-den astam adam qol qoıǵan.

Avtor túzetýler qabyldanyp ketse, Facebook, Instagram, Youtube, Telegram, Whatsapp jáne basqa da jelilerdiń Qazaqstan ınternet keńistiginde jumys isteýine qaýip tónetinin aıtady.

"2022 jyly naýryzda Parlament Senatyna "Qazaqstan Respýblıkasynyń keıbir zańnamalyq aktilerine balanyń quqyǵyn qorǵaý, bilim berý, aqparat jáne aqparattandyrý máseleleri boıynsha ózgerister men tolyqtyrýlar engizý týraly» zań jobasy qaralymǵa keldi. Bul zań jobasynda qajet jáne mańyzdy túzetýler jazylǵanymen, el ishinde «Sarym men Zakıevanyń túzetýi" dep tanylǵan normalardy da qamtıdy. Zań jobasy elde áleýmettik jeliler men messendjerlerdi qoldanýǵa shekteý engizýge múmkindik beredi. Bul túzetýler qabyldanǵan jaǵdaıda (zań jobasynyń 14-16 beti) Facebook, Instagram, Youtube, Telegram, Whatsapp jáne basqa da jelilerdiń Qazaqstan ınternet keńistiginde jumys isteýine qaýip tónedi. Usynylǵan zań jobasynyń túzetýlerine saı, áleýmettik jeliler men messendjerler "zańdy ókilderin" taǵaıyndaýǵa, sonymen qatar, ýákiletti organnyń, ıaǵnı, Aqparat jáne qoǵamdyq damý mınıstrligi (AQDM) talap etken kez kelgen kontentti 24 saǵattyń ishinde óshirýge mindetteledi. Eger áleýmettik jeli ýákiletti organ talabyn oryndamasa, AQDM jeliniń "Qazaqstan aýmaǵynda jumysyn shekteýge" quqyly" delingen petısııa mátininde.

Jýrnalıst túzetý avtorlary mundaı qadam balalardy kıberbýllıngten (kıberbýllıńnen) qorǵaý úshin jasalyp otyrǵanyn aıtqanymen, bul qadamdardyń artynda senzýrany kúsheıtý men áleýmettik jelini baqylaýdy arttyrý turǵany anyq dep sanaıdy.

"Biz Senattan zań jobasyn Májiliske qaıtarýdy, sonymen qatar, QR Quqyq qorǵaý uıymdarymen, memlekettik emes BAQ ókilderimen jáne qoǵamdyq uıym ókilderiniń qatysýymen zań jobasyn mindetti túrde qaıta túzeýdi talap etemiz. Zań jobasy osy qalpynda qabyldansa – bizdiń qoǵam ondaǵan jylǵa artqa keteri sózsiz. Buǵan qosa, saıası jáne ekonomıkalyq turǵydan shettetilgen memlekettermen bir qatarda bolý qaýpi bar. Barsha qazaqstandyqtardy osy úndeýge qosylýǵa shaqyramyz. Cebebi bul zań jobasy árqaısymyzdyń bolashaǵymyzǵa qatysty!" deıdi avtor.

"Qamshy" silteıdi