• USD 468.56

  • EUR 497.56

  • RUB 7.3

  • CNY 67.18

29 Naýryz, 19:34:33
Almaty
+35°

Rysbek Sársenbaı men Bolat Nazarbaev

Belgili jýrnalıst, qoǵam qaıratkeri Rysbek Sársenbaev jýrnalıst Nurseıit Jylqyshybaıǵa bergen suhbatynda marqum Zamanbek Nurqadilovtiń úıinde Bolat Nazarbaevpen kezdeskenin, ol arqyly aǵasy Nursultan Nazarbaevqa sálemdeme joldaǵanyn aıtty.

– Burynǵy jylda Zákeńdi eske alyp Keńsaıda bolǵannan Maqpal dastarhan jaıyp, quran oqytatyn. Sondaı jaıttardyń birine Bolat Nazarbaev kelipti. Janynda sońǵysy ma, sońǵysynyń aldynda úılengeni ma kóp toqaldarynyń biri otyrdy. Birine biri anekdot aıtyp otyrdy. Endi ol anekdot aıtatyn jer emes qoı. Men tipten sonyń bet-júzin kórgim kelmedi, ketip qalǵym keldi. Men úshin onymen dastarhan basynda otyrý jıirkenishti bolatyn. Sonymen janymdaǵy jigitter bar, Maqpal bar dastarhannan úlken emes, attap ketpeısiń... Otyrǵannan keıin men Bolatqa aıttym. Bolat qazaqta sóz bar: óz aıaǵyńmen keldiń be, qudaı aıdap keldi me degen. Sen qalaı kelseń de áıteýir kelip otyrsyń. Bizdiń ortamyzǵa. Saǵan aıtatyn sóz bar, sen muqııat tyńda da uǵyp al, sosyn Nursultan aǵańa jetkizip bar dedim. Záresi ushyp ketti, túri kete bastady. Janynda otyrǵan toqaly da, Maqpal da ábigerlenip, basqalar da bul kisi ne aıtqaly tur dep.... Sosyn men Zákeńniń memleketke, Almatyǵa, qazaqqa sińirgen qaıratkerlik eńbegi týraly qysqa-qysqa aıttym. Minekeı, osyndaı halyq qadirlegen asyl azamatty ózin-ózi úsh ret atyp óldi dep, ózine jala japty. Qalaı sony aıtqyzyp otyr. Ony aıtqyzyp otyrǵan seniń aǵań ǵoı. Atqyzyp otyrǵan da seniń aǵań shyǵar. Biz solaı oılaımyz. Sen aǵańa aıtyp bar: myna ótirigin doǵarsyn, ol kisi tiri bolsa, óz namysyn ózi qorǵar edi. О́te namysqoı adam, batyr adam ǵana namysqoı bolady. Al ol kisini kózi joq, sondyqtan ol kisiniń namysyn biz qorǵaımyz. Artynda qalǵan el jurty, qalǵan qazaq qorǵaıdy, óıtip qorlamasyn batyrymyzdy. О́ltirgeni azdaı endi qorlaýy nesi. Aǵańa aıtyp bar, qylmystyq is qozǵasyn, qylmysty ashsyn. Olaı bolmasa, bári úshin ózi jaýapty. (Bolat) dedi (basyn shulǵady - red). Onda osyny jetkizip bar dedim. Ondaı nárseni, osy suraqtardy men kezdesip jatsam, Nursultan Nazarbaevqa da qoıar edim, –  deıdi ol.

Rysbek Sársenbaev memleket jáne qoǵam qaıratkeri, burynǵy aqparat mınıstri, oppozısııa lıderi, 2006 jyly qastandyqpen óltirilgen Altynbek Sársenbaevtyń týǵan aǵasy. Ol inisiniń ólimine eks-prezıdent Nursultan Nazarbaev pen onyń aınalasynda júrgen Nurtaı Ábiqaev, resmı derek boıynsha Avstrııa túrmesinde ózine qol jumsady delinetin Rahat Álıevterdi kinálaıdy. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir