• USD 468.56

  • EUR 497.56

  • RUB 7.3

  • CNY 67.18

29 Naýryz, 10:54:27
Almaty
+35°

Foto: Ashyq derekkóz

Qoǵam belsendisi Muhtar Taıjan saıası partııa quratynyn málim etti. Ol partııa ataýy JER QORǴANY bolady dep otyr.
 
 
"Búginnen bastap men jańa saıası partııany qurýǵa kirisemin. Naǵyz saıası jáne ekonomıkalyq reformalardy júzege asyrtý úshin búgingi bılik – ıaǵnı búgingi zalynda otyrǵandardyń – Májilis, Senat jáne úkimet 80-90% sózsiz aýysý kerek. Ol úshin biz – el men ult janashyrlary – jańa partııa quryp kelesi saılaýda Nurotan-Amanat partııasyn adal jarysta jeńip – bılikke kelýimiz qajet! Bizdiń jańa saıası partııamyzdyń ataýy JER QORǴANY bolsyn. Jer degen uǵym ár qazaq úshin qasıetti dep bilem. Jerimizdi qorǵaı alsaq urpaq úshin bolashaqqa jol ashamyz degen sóz. Meniń janjaqty ustanymdarymdy, pikirlerimdi jaqsy bilesizder dep oılaımyn. Eger meniń saıası jáne ekonomıkalyq kózqarasymdy qoldaıtyn bolsańyzdar – bul siltemege kirip tirkelińizder! Kelesi saılaýdyń nátıjesinde (bálkim bıyl) bizdiń partııamyzdyń belsendilerimiz parlament pen úkimette tabylyp Elimizge naǵyz, ótirik emes, reformany engizetin bolamyz!" deıdi ol.
 
 
Muhtar Taıjan 1973 jyly 10 qyrkúıekte Almaty qalasynda týǵan. Belgili qoǵam jáne memleket qaıratkeri, dıplomat Bolathan Taıjannyń uly.

Ál-Farabı atyndaǵy Qazaq ulttyq ýnıversıtetininiń Zań fakýltetine túsip, bilimin Polsha astanasy Varshava qalasynda jalǵastyrǵan. Varshava ýnıversıtetinde bakalavr jáne magıstrlik dárejelerin alǵan. Ekonomıka ǵylymdaryynń kandıdaty

1997-2001 jyldar aralyǵynda aralyǵynda túrli memlekettik qyzmetterde jumys atqarady:

  • QR-daǵy strategııalyq josparlaý jáne reformalaý agenttigi (Qazaqstannyń 2030 jylǵa deıingi damý strategııasynyń "Ekonomıkalyq ósý" basymdyǵy bóligin jasaýshylardyń biri);
  • QR Prezıdent Ákimshilgi, Qaýipsizdik keńesiniń jumys organdary, halyqaralyq ekonomıka boıynsha sarapshy;

2001-2003-shi jyldar aralyǵynda "Qazaqstan temir joly" AQ jáne "Ordabasy" korporasııasy" AQ-ta basshylyq qyzmet atqarǵan.

2003 jyldan bastap jeke kásipker.

Sońǵy jyldary qoǵamdyq, saıası máselelerde belsendi bolyp júr. Jer máselesi boıynsha qurylǵan komıssııa quramynda bolǵan. Búginde ulttyq qoǵamdyq senim keńesiniń múshesi. Jerdi sheteldikterge jalǵa berý, qazaqstandyqtarǵa satý máselesine qarsy. Latıfýnıster týraly aqparatty kópshilikke qoljetimdi qylý máselesin de jıi kótergen. Búgingi bılikti synap, ózin áldeneshe ret úkimetke usynyp, múmkindik berýin suraǵan.

"Qamshy" silteıdi
Ilmek sózder: Muhtar Taıjan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir