• USD 468.56

  • EUR 497.56

  • RUB 7.3

  • CNY 67.18

29 Naýryz, 11:17:57
Almaty
+35°

Demokratııalyq partııa qurý boıynsha yntaly top jetekshisi, saıası belsendi Janbolat Mamaı qylmystyq isti tergeý aıasynda 2 aıǵa qamaýǵa alyndy.

Belsendiniń ústinen "Polısııany qorlady, jalǵan málimet taratty" degen aıyptar boıynsha qylmystyq is qozǵalǵan.

Belsendiniń áıeli, jýrnalıst, quqyqqorǵaýshy Inga Imanbaı prokýror Janbolat Mamaıdy 2 aıǵa qamaýdy surap otyrǵanyn aıtqan. Belsendini qoldaý úshin Almaty qalasy polısııa departamentine barǵan onyń jaqtastary Janbolat Mamaıdy bosatpasa, ashtyq jarııalaıtyndaryn málim etken.

Qańtar oqıǵasy qurbandaryn eske alý mıtıngine qatysqany úshin beıbit jıyn ótkizý tártibin buzdy degen aıyppen 15 táýlik qamaýda bolǵan belsendi ákimshilik jaza merzimi aıaqtalar shaqta taǵy 48 saǵatqa qamaýǵa alynǵan. Ol 12 naýryz kúni abaqtydan jazǵan hatynda qylmysqa barmaǵanyn aıtqan.

"Qadirli aǵaıyn! Meni saıası sebeptermen, saıası qýdalaýdyń nátıjesinde qamaýǵa aldy. Polısııany qorlady, jalǵan málimet taratty dep. Eshqandaı qylmys jasaǵan joqpyn. О́z kinámdi moıyndamaımyn. Bizdiń jolymyz aq, adal. Qoldaý kórsetken barsha aǵaıynǵa alǵys aıtamyn. Halyqaralyq uıymdar qoldaý kórsetýi kerek dep sanaımyn. Birge jeńemiz!" delingen hatta.

Oppozısııalyq jýrnalıst Ermurat Bapı Janbolat Mamaıdyń ústinen qylmystyq is qozǵalýynyń saıası astary bar dep sanaıdy. Sózinshe, munyń artynda Demokratııalyq partııa degen ataýmen saıası partııa qurǵysy kelip júrgen belsendiniń áreketin toqtatý oıy tur.

"Janbolatqa qatysty ákimshilik jazanyń sońyn qylmystyq iske almastyrýdyń amalynan eki boljam jasaýǵa bolady:

Birinshiden, bıylǵy jaz-kúz maýsymynda merziminen buryn parlamenttik saılaý ótýi múmkin;
qylmystyq jaýapkershilikke tartylǵan (eki aılyq tergeýden keıin, sot Mamaıǵa ary ketkende bostandyǵyn shekteý nemese shartty jaza beredi) azamat retinde Janbolat saılaýdan shettetiledi (qazirgi qoldanystaǵy saılaýǵa qatysty zańdylyqtarynyń talaby boıynsha);

Ekinshiden, prezıdent Toqaevtyń naýryz joldaýynan keıin, saılaý jáne saıası partııalar týraly zańdarǵa azdaǵan ózgerister engiziletin bolsa, bılikpen mámilelesýge kónbeıtin oppozısııalyq saıasatker Janbolattyń Dempartııasyn saılaýǵa deıin "qaǵyp tastap", tirkeýden ótkizbeýdiń áreketi jasalýda" deıdi jýrnalıst.

"Qamshy" silteıdi
Ilmek sózder: Janbolat Mamaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir