Foto: Vıdeodan skrınshot
Marqum Zamanbek Nurqadilovtiń balasy Qaırat Nurqadilov ákesiniń oppozısııalyq jolǵa túskenin aıyptaýǵa kóndirýge, onyń ótemi retinde úlken qyzmet pen aqsha usynýǵa tyrysqandar bolǵanyn málim etti.
– 17 jylda talaı nárse boldy. "Qaırat biz jýrnalısterdi shaqyraıyq, sen Nazarbaev týraly jaqsylap turyp aıt. Ákeń týraly surasa, "ákem qatelesip edi", "Nazarbaevtyń joly durys" dep aıt. Biz erteń ony gazetke, televıdenıege shyǵaryp, Nazarbaevtyń aldyna qoıamyz, kerek bolsa, sen Almatynyń ákimi bolasyń. Sodan bastaıyq, sen jumys isteı alasyń. Mıllıoner bolyp shyǵasyń. 5 jyl jetedi, 5 jyldan keıin bárin jabasyń da, shetelge ushyp ketesiń. Ákeń Nazarbaevqa (qarsy - red) shyqqanda senderdi oılamady ǵoı. Kóligińe qansha jyl boldy? Bızneste jylyna eki kólik aýystyrady" dep aıtty ǵoı. Eki-aq ıntervıý. Biri televıdenıege, biri gazetke. Ony aıtqandar endigi shetelge ketip qaldy. Men kelispedim, – deıdi ol jýrnalıst Nurseıit Jylqyshybaıǵa bergen suhbatynda.
Zamanbek Nurqadilov 2004 jyly Qazaqstannyń eks-prezıdenti N.Nazarbaevty ótkir synaı bastaǵanda Tótenshe jaǵdaılar mınıstri qyzmetinen alynady. Balasy Qaırat Nurqadilovtiń sózinshe, ol da jumyssyz qalyp, bıznesi júrmegen.
Qaırat Nurqadilov ákesi ómirden óter aldynda Almaty qalasynyń basshylyǵyna Imanǵalı Tasmaǵambetov taǵaıyndalyp, onymen kezdeısoq kezdesip qalǵanyn, sol kezde Almaty ákimi ákesi oppozısııada júrgenine qaramastan, ózin qalalyq qurylys departamenti basshysynyń orynbasary etip jumysqa alǵanyn aıtady.
Sondaı-aq ol ákesi ómirden ótken soń qonaqasy, qyrqy, asy sekildi barlyq rásimderdi Tasmaǵambetov atqaryp bergenin atap ótti.
Qaırat Nurqadilov Almaty qalasyn Ahmetjan Esimov basqaryp turǵanda turǵyn-úı basqarmasyna basshy bolyp taǵaıyndalady.
"Nege ol jerge otyrǵyzdy degende, ol jerdiń jumysy ózi ot. Bireýden aqsha aldyń ba, birden túrmege ketesiń. Meniń aldymda ekeýin qamady ǵoı" deıdi ol.
Bul qyzmetti ol Baýyrjan Baıbektiń tusynda da jasap, onymen bir jyl jumys istedi. О́ziniń sózinshe, osy bir jylda Baıbek ony, turǵyn-úı basqarmasynyń basshysy retinde birde-bir ret qabyldamaǵan. Qabyldaýdy máseleden habary joq jas orynbasaryna tapsyrǵan. Bir jyldan keıin, ákimshilikte basqa salaǵa aýysýǵa múmkindigi bolmaǵan soń, qyzmetinen ketken. Keter aldynda Baýyrjan Baıbek prokýratýra jiberip, onyń jumysyn teksertip, zań buzýshylyqtar taba almaǵan.
Qaırat Nurqadilov Almaty ákimdiginen qyzmetten ketkennen keıin marqum ákesiniń tanystary Almaty oblysynyń eks-ákimi Amandyq Batalovqa Qapshaǵaı qalasyna ákim etip jumysqa al dep barǵanyn jetkizdi.
"Batalov Qaırat famııalııasyn aýystyrsa, alamyn dedi. Ol jigit meniń sheshemniń qolynan sháı ishken adam, solaı dep otyr. Ol kezde Nurqadilov degen famılııadan bári qorqatyn" deıdi.
Oqı otyrryńyz:
♦ Qaırat Nurqadilov ákesi "sýısıd jasady" degenge kelispese, ózin óltiremiz dep qorqytqanyn málimdedi
♦ Nazarbaev 60 jasqa tolǵanda ákimder 1 mıllıon dollardan jınap berdi – Qaırat Nurqadilov
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir