Kópshilik kútkendeı Nur Otan-nyń aty aýysatyn boldy

Májilis spıkeri Erlan Qoshanov  Nur Otan partııasynyń sezinde partııa ataýyn aýystyrý qajettigi týraly aıtty.

 

– Elmen qatar bizge partııany da jandandyrý kerek. Soǵan baılanysty partııa atyn ózgertý kerek dep sanaımyz. Mundaı usynys talqylanyp, ár qyrynan qaraldy. Túrli usynys tústi. Biz "Amanat" laıyqty ataý dep sheshtik. Bul jerdi ata-babamyz bizge amanat etip qaldyrǵan. Biz soǵan laıyq bolýymyz kerek, – dedi ol.

Usynysty prezıdent Qasym-Jomart Toqaev qoldady.

Buǵan deıin áleýmettik jelide Nur Otan sezinde partııa ataýy ózgeretini týraly aqparat shyqqan.