• USD 468.56

  • EUR 497.56

  • RUB 7.3

  • CNY 67.18

29 Naýryz, 16:42:37
Almaty
+35°

Aıbar Oljaev/Foto: Ashyq derekkóz

Kóp suraqtar keldi. Lıchka jaryldy. Nege úndemeısiń dep jazdy.

Dıskleımer: Globaldy turǵyda Qazaqstan úshin jaǵdaı jaman emes

Ulttyq Bank ıntervensııasy bar, fýndamentaldi faktorlar bar: teńge dollarǵa shaqqanda 500 deńgeıine qondy. Árıne, biz úırengen 440-tan joǵary, biraq Ulttyq Banktiń osy joly jasaǵan aqsha-nesıe saıasaty óte joǵary deńgeıde boldy.

Endi ne bolady?

Bizde jalpy rýblge baılana bermeý boıynsha naqty sheshim qabyldaǵany durys boldy. Esterińizde bar shyǵar, kezinde rýbl 3 teńge bolyp ketip, el azamattary Reseıden úı, kólik, turmystyq tehnıka alýǵa umtylyp, oǵan avtosalondar, qurylys kompanııasyn ustap otyrǵan bizdegi olıgarhııalyq toptar qarsy qadam jasap, bılikti rýbl 5-6 teńge parıtetinde ustaý boıynsha baılap qoıǵan edi. Olıgarhııa joıylǵandyqtan, osy parıtetti umytý kerek.

Bir sózben aıtqanda, Symaǵulov pen Lavrentev úshin búkil halyqtyń kedeılenýin toqtatýymyz kerek jáne ony endigi Aqorda óte jaqsy túsinip otyr.

Endi rýbldiń eski parıtetine baılanyp qalýǵa bolmaıdy. Meıli 1 rýbl 1 teńge bolsyn, biraq qazaqstandyqtar Reseıden zat satyp alady dep ýaıymdap, lobbı qosyp, Aqordany shabýyldaýdyń qajeti joq. Qazirgi Reseıden eshkim eshteńe almaıdy, jáne Reseıdiń (halqy, avtosalondary, qurylys kompanııalary) eshkimge qazirgi baǵamen eshteńe satpaıdy.

Teńgege qoldaý kórseter myqty faktor - munaı baǵasy. Qazaq munaıyna sanksııa salynǵan joq. Sondyqtan rýbldi teńgeden ajyratý jaqyn kúnderdiń sharýasy bolýy tıis. Eksportty qorǵaý, at tóbelindeı topty tyńdaýǵa dál qazir strategııalyq turǵydan bolmaıdy. Qulaıtyn eksport qulaı bersin, biraq teńge baǵamyn búkil halyqtyń qaltasy úshin rýblden ajyratyp alý óte qajet.

Jalpy elimizdiń jaǵdaıy jaman emes. Bul jaǵdaıda Qazaqstan óte jeńisti deńgeıde. Sanksııadaǵy búkil Reseı bıznesi Qazaqstan dese aýzynan sýy aǵa bastady. MFSA-ǵa kezekke turary sózsiz. Tek, osyny ekonomıkalyq turǵydan utymdy paıdalana bileıik. Teńge dál osy jaǵdaıda bolashaǵy myqty valıýta. Jáne Ulttyq Bank ony jaqsy túsinip otyr.

Aıbar Oljaev

Ekonomıst

Facebook paraqshasynan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir