Ýkraına daǵdarysy qalaı órbip jatyr?

Reseı kúshteri Ýkraınaǵa iri áskerı shabýyl jasady, Ýkraına qalalary mańynda zymyrandyq soqqylar men jarylystar bolyp jatyr, dep habarlady BBC.

Ýkraına áskerıleri "kem degende alty reseılik ushaqty atyp túsirdik, qarsy jaqtyń kem degende qyryq áskeriniń kózin joıdyq" dep málimdedi.

BBC "adamdar el astanasy Kıevten qashýǵa tyrysyp jatyr. Halyqta qatty kúızelis bar" dep jazady.

NATO basshysy Iens Stoltenberg bul shabýylda burynnan josparlaǵanyn aıtady.

Reseı prezıdenti Vladımır Pýtın, eger kimde-kim Reseıge tıisetin bolsa, Máskeýdiń jaýaby "lezde" bolatynyn eskertti.

Eýropalyq Odaq bul – Ekinshi dúnıejúzilik soǵystan keıingi Eýropaǵa tóngen syn saǵattardyń biri ekenin jáne Reseı "jappaı sanksııalarǵa" ushyraıtynyn málimdedi.

AQSh prezıdenti Djo Baıden "álem Reseıdi jaýapkershilikke tartady" dep ýáde berip, "soǵysta adam shyǵyny kóp" dep boljaıdy.

Ulybrıtanııa premer-mınıstri Borıs Djonson Pýtınniń áreketin "varvarlyq" dep sıpattap, óziniń ýkraın halqy jaǵynda bolatynyn aıtty. Ýkraınaǵa "saıası, ekonomıkalyq", tipti "áskerı qoldaý" beretinin málimdedi.