Toqaev tapsyrmasy. Endi qymbat zat satyp alǵan memlekettik qyzmetkerler qatań baqylanady

Prezıdent Q.Toqaev Sybaılas jemqorlyqqa qarsy is-qımyl máseleleri jónindegi keńeste jemqorlyqty joıý baǵytyndaǵy birqatar sharalardy tanystyrdy.

– Elimizdiń quqyqtyq júıesi úshin múlde jańa ınstıtýttar bar. Memlekettik qyzmetshilerdiń jyljymaıtyn múlik, avtokólik jáne basqa da qymbat dúnıeler satyp alýy qatań baqylaýǵa alynady. Sonymen qatar, sheneýnikterdiń adaldyǵyn tekserýge arnalǵan "Integrity check" (tekserý ádisi) ádisin atap ótýge bolady. Árıne, bul usynysty áli de jan-jaqty pysyqtaý qajet. Degenmen, halyqaralyq tájirıbede mundaı tekserister jaqsy nátıje kórsetýde. Basqa da birqatar mańyzdy sharalardy júzege asyrýymyz kerek. Sondyqtan, búgin maǵan tanystyrylǵan tujyrymdamanyń jobasyn bekitemin. Alaıda, jumystyń tıimdiligin naqty nátıje boıynsha baǵalaıtyn bolamyn.  

Túpki maqsat – sybaılas jemqorlyqtan taza qoǵam qalyptastyrý. Jemqorlyqty joıý úshin oǵan búkil el  bolyp  qarsy turýymyz kerek. Oǵan qosa zańnamalyq sharalar qabyldaýǵa tıispiz. Sonymen birge, jemqorlyqqa qatysty  qylmystardy anyqtaý jáne ashý jónindegi  jumystardy  kúsheıtý qajet. Sonda ǵana jemqorlyqpen tabandy túrde kúrese alamyz, – dedi ol.