• USD 470.9

  • EUR 496.94

  • RUB 8.83

  • CNY 70.33

25 Maýsym, 03:50:43
Almaty
+16°

Qazaqstannyń burynǵy prezıdenti Nursultan Nazarbaevtyń Nur Otan partııasynyń kezekten tys sezinde sóılegen sóziniń vıdeosy jarııalandy.

Nursultan Nazarbaev sezdiń tarıhı mánine toqtalyp, Qasym-Jomart Toqaevty Nur Otan partııasynyń tóraǵasy etip saılaý týraly usynysyn partııalastary qoldaıtynyna senim bildirgen.

– Keıingi bir jarym jyl ishinde partııa júıeli túrde qaıta jańǵyrdy. Ony tolyq basqarýdy qazirgi memleket basshysy Qasym-Jomart Kemeluly Toqaevqa tapsyrý bul prosestiń sońǵy kezeńi dep sanaımyn. Partııadan prezıdent saılaýyna usynylǵan jáne qoldaýyna ıe bolǵan adam ony basqarýǵa tıis. Búginde Qazaqstan prezıdentiniń basshylyǵymen mańyzdy áleýmettik-ekonomıkalyq jáne saıası reformalar júzege asýda. Barlyq qajetti resýrsy bar "Nur Otan" partııasy olardy oryndaý barysynda  senimdi tirek bolýy kerek, – dedi elbasy. 

Sezd sheshimimen qazirgi prezıdent Qasym-Jomart Toqaev Nur Otan partııasynyń tóraǵasy bolyp saılanǵan.

19 qańtarda májilis Nursultan Nazarbaevtyń qaýipsizdik keńesi men Qazaqstan halqy assambleıasyna ómir boıy tóraǵalyq etý quqyǵynyń kúshin joıatyn konstıtýsııalyq zańdarǵa túzetý engizgen. 

27 qańtarda senat depýtattary  zań jobasyn qarap, prezıdent memlekettik bastamalardy elbasymen kelisýi qajet degen normalardyń kúshin joıýdy usynyp, májiliske jibergen.

 

"Qamshy" silteıdi
Ilmek sózder: Nur Otan partııasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir