B.Baıbek erteń qabyldanatyn ózgerister týraly habarlady

"Nur Otan" partııasy Saıası keńesi erteńgi sezde qaralatyn máselelerdi bekitti. Bul týraly partııa tóraǵasynyń orynbasary Baýyrdan Baıbek habarlaǵan.

Saıası keńes qaýlysymen partııanyń kezekten tys XXI seziniń kún tártibinde tómendegideı máseleler qaralatyn bolyp bekitildi.

1. Partııa tóraǵasyn saılaý;
2. Jarǵyǵa ózgerister men tolyqtyrýlar engizý;
3. Saıası keńes quramyna ózgerister engizý;

Buǵan deıin 2022 jylǵy 28 qańtarda "Nur Otan" partııasynyń kezekten tys XXI sezi ótetini habarlanǵan. Quryltaı onlaın formatta ótedi.

2021 jylǵy 23 qarashada Nursultan Nazarbaev Nur Otan partııasynyń tóraǵasy ókilettigin Qasym-Jomart Toqaevqa tapsyratyny týraly málimdegen.

Sondaı-aq jýyrda Qańtar oqıǵasy kezinde prezıdent Q.Toqaevqa buryn eks-prezıdent N.Nazarbaevta bolyp kelgen Qaýipsizdik keńesiniń tóraǵalyǵy ótken.