Foto: Andreı Lýnın/Forbes.kz
Qazaqstandyq Forbes jasaǵan eldegi eń baı adamdar tiziminde ekinshi orynda turǵan mıllıarder Vıacheslav Kım "Samuryq-Qazyna" ulttyq ál-aýqat qory dırektorlar keńesiniń quramynan shyqty. Bul týraly Forbes.kz basylymy habarlady.
Basylym Vıacheslav Kım keńesten óz erkimen ketkenin jazady.
Kım ketkennen keıin dırektorlar keńesi quramynyń sapynda Djon Dýdas, Ong Býn Hvı, Lýka Sýtera, Almasadam Sátqalıev, Danııar Aqyshev, Álibek Qýantyrov qaldy.
Vıacheslav Kım – Kaspi.kz dırektorlar keńesiniń tóraǵasy jáne aksıoneri. Oǵan kompanııanyń 24,13 paıyz aksııasy tıesili. 2021 jyly Forbes mıllıarderleriniń jahandyq tizimine engen. Ol 4 mıllıard 200 mıllıon dollar baılyqpen tizimde 925 bolyp ornalasqan.
Bıznesmenge sondaı-aq "Alseko" AQ-nyń 90 paıyzy tıesili. Ol jerde baqylaýshy keńes múshesi.
Budan bólek ol kóptegen qorlarǵa, mektepterge ıelik etedi.
Vıacheslav Kımniń eks-prezıdent Nursultan Nazarbaevpen, onyń áýleti múshelerimen baılanysy týraly, olardyń jaqyn adamy ekeni jaıly BAQ betterinde kóptegen aqparat shyqqan.
Kezinde eks-prezıdenttiń týysy Qaırat Satybaldy Kımniń Kaspi banktegi bıznes seriktesi ári aksıonerlerdiń biri bolǵan. Resmı derekterde Qaırat Satybaldy úlesin 2018 jyly satyp jibergeni aıtylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir