• USD 431.41

  • EUR 452.94

  • RUB 6.92

  • CNY 63.83

20 Mamyr, 09:56:44
Almaty
+18°

Reseıdiń qarjylyq monıtorıng boıynsha federaldyq qyzmeti saıasatker Alekseı Navalnyı men onyń jaqtastaryn terrorıster men ekstremıster reestrine qosty. Bul týraly vedomstvo saıtynda habarlandy.

Rbc.ru basylymynyń jazýynsha, tizimge engen Navalnyı jaqtastarynyń qatarynda Lıýbov Sobol, Georgıı Albýrov, Vıacheslav Gımadı, Rýslan Shaveddınov, Lılııa Chanysheva, Rýslan Shaveddınov, Pavel Zelenskıı bar.

Tizimge engizilgen tulǵalar men uıymdarǵa BAQ-pen qandaıda bir qarym-qatynas jasaýǵa, jelide aqparat jarııalaýǵa, kópshilik is-shara uıymdastyrýǵa, saılaýǵa qatysýǵa, salyq, jalaqy tóleý, zalaldy qaıtarýdan basqa kez kelgen qarjylyq qyzmetti qoldanýǵa tyıym salynady.

Budan bólek banktegi esepshottar buǵattalady. Reestrge tergeýdegi adamdar da, jazasyn ótep jatqandar da engizile beredi.

Buǵan deıin Reseıdiń tergeý komıteti Alekseı Navalnyı men Leonıd Volkov, Ivan Jdanovty ekstremıstik qaýymdastyq quryp, ony basqardy dep aıyptaǵan. Qazirgi ýaqytta Navalnyı "Iv Roshe" kompanııasynyń qarjysyn jymqyrdy degen aıyppen túrmede jazasyn ótep jatyr. Ol 2021 jylǵy 2 aqpanda 2 jyl 8 aıǵa sottalǵan.

Alekseı Navalnyı tizimdegi ulttyq bóliktegi jeke tulǵalar pýnktinde 7504 bolyp tur. Bul tizimde jalpy 11751 adam bar.

"Qamshy" silteıdi
Ilmek sózder: Navalnyı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir