• USD 431.41

  • EUR 452.94

  • RUB 6.92

  • CNY 63.83

20 Mamyr, 10:26:39
Almaty
+20°

Jaqyp Marabaev eńbek shartynyń merzimi aıaqtalýyna baılanysty "QazMunaıGaz" UK AQ basqarma tóraǵasynyń barlaý jáne óndirý jónindegi orynbasary qyzmetinen ketti, dep habarlady ulttyq kompanııanyń saıty.

"QazMunaıGaz" UK AQ basqarma tóraǵasy Alık Aıdarbaev oǵan atqarǵan jemisti eńbegi úshin alǵysyn bildirdi. Atap aıtqanda, OPEK+ mindetteri aıasyndaǵy shekteýlerge jáne koronavırýs pandemııasynyń keri áserine qaramastan munaı servıstik qyzmetteriniń kólemi jáne QMG kompanııalary tobynyń óndirýshi kásiporyndarynda óndiristiń aǵymdaǵy deńgeıi saqtaldy" delingen habarlamada.

– Sońǵy eki jyl asa kúrdeli kezeń boldy. Koronavırýs indeti barlyq salaǵa óz zardabyn tıgizdi. Pandemııa búkil resýrstardyń jumylýyn qajet etip, árqaısymyz úshin úlken synaq boldy. Degenmen jańa kezeńdegi ómirimiz ben jumysymyz bizdiń myqty tustarymyzdy anyqtap, budan arǵy damý basymdyqtaryn aıqyndaýǵa múmkindik berdi. Ulttyq kompanııanyń ujymyna jáne "QazMunaıGaz"-dyń barsha munaıshylaryna birlesip jasaǵan jumysymyz úshin alǵysymdy bildiremin, – dedi J. Marabaev.

Jaqyp Marabaev munaıshy áýletinen shyqqan. Qyryq jyldan astam munaı-gaz salasynyń jaýapty laýazymdarynda eńbek etti. Ol ár jyldary "QazaqstanKaspııShelf" AQ bas dırektory, "QazaqOıl" UK JAQ vıse-prezıdenti, "QazTransOıl" AQ vıse-prezıdenti, "QazMunaıGaz" Barlaý О́ndirý" AQ bas dırektory, North Caspian Operating Company basqarýshy dırektorynyń orynbasary qyzmetterin atqarǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir