• USD 468.56

  • EUR 497.56

  • RUB 7.3

  • CNY 67.18

29 Naýryz, 10:06:46
Almaty
+35°

Nurlan Májıtuly Ábdirov Qazaqstan Respýblıkasy Ortalyq saılaý komıssııasynyń tóraǵasy bolyp taǵaıyndaldy. Bul týraly Aqorda saıty habarlady.

"Memleket basshysynyń Jarlyǵymen Nurlan Májıtuly Ábdirov Qazaqstan Respýblıkasy Ortalyq saılaý komıssııasynyń Tóraǵasy laýazymyna taǵaıyndaldy" delingen qaýlyda.

Buǵan deıin atalǵan qyzmetti Berik Imashev atqarǵan bolatyn.

Ábdirov Nurlan Májıtuly 1961 jyly 12 qańtarda Qaraǵandy oblysy Shet aýdanynyń Aqsý-Aıýly aýylynda týǵan. KSRO IIM Qaraǵandy joǵary mektebin bitirgen. Zań ǵylymdarynyń doktory, professor.

1982-1984 jyldary – KSRO IIM Qaraǵandy joǵary mektebiniń oqytýshysy bolyp jumys istegen.

1987-1997 jyldary – QR IIM Qaraǵandy joǵary mektebiniń oqytýshysy, aǵa oqytýshysy, dosent, qylmystyq quqyq jáne krımınologııa kafedrasy bastyǵynyń orynbasary.

2001-2002 jyldary – QR Ádilet mınıstrligi Nashaqorlyqqa jáne esirtki bıznesine qarsy kúres komıteti tóraǵasynyń orynbasary.

2002-2005 jyldary – QR Qaýipsizdik Keńesi Hatshylyǵynyń sektor meńgerýshisi, memlekettik ınspektor, Qoǵamdyq jáne ekologııalyq qaýipsizdik bóliminiń meńgerýshisi, QR Qaýipsizdik Keńesi Hatshylyǵy meńgerýshisiniń orynbasary.

2005-2009 jyldary – QR Qaýipsizdik Keńesi Hatshysynyń orynbasary - QR Qaýipsizdik Keńesi Hatshylyǵynyń meńgerýshisi.

2009-2011 jyldary – tórtinshi saılanǵan Qazaqstan Respýblıkasy Parlamenti Májilisiniń depýtaty.

2012 jylǵy 20 qańtardan bastap – besinshi saılanǵan Qazaqstan Respýblıkasy Parlamenti Májilisiniń depýtaty.

2016 jylǵy 25 naýryzdan bastap – altynshy saılanǵan Qazaqstan Respýblıkasy Parlamenti Májilisiniń depýtaty, Zańnama jóne sot-quqyqtyq reforma komıtetiniń tóraǵasy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir