• USD 431.41

  • EUR 452.94

  • RUB 6.92

  • CNY 63.83

20 Mamyr, 10:56:31
Almaty
+20°

"Samuryq-Qazyna" Ulttyq ál-aýqat qorynyń basqarma tóraǵasy Almasadam Sátqalıev prezıdent Qasym-Jomart Toqaevtyń synynan keıin qordy reformalaýǵa daıyn ekenin málimdedi. Bul týraly ol facebook paraqshasynda jazdy.

– "Samuryq-Qazynanyń" aldynda úlken múmkindik týyp otyr. Qoǵamda qyzý talqylanyp jatqan reformalardy júzege asyrýymyz kerek. Reformalaý baǵdarlamasyna naqty, ári tıimdi usynystar bere alatyn azamattarmen dıalog ornatýǵa daıynbyz, – dedi A. Sátqalıev.

Ol aldaǵy ýaqytta josparlar ashyq aqparat kózderinde jáne korporatıvtik saıtta jarııalanatynyn aıtty.

– Biz barlyq saýaldarǵa jaýap beremiz. О́zgeristi ózimizden bastap, ashyqtyq, esep berý, bızneske kedergi keltirmeý, áleýmettik jaýapkershilik jáne sybaılas jemqorlyqpen kúres qaǵıdattaryn negizge alyp otyrmyz. "Samuryq-Qazyna" Qazaqstan Respýblıkasy azamattaryna Qor aktıvterin tikeleı ıelenýge múmkindik bermek. Biz bıznes-prosester men Qordyń kompanııalar tobyndaǵy korporatıvtik basqarý tájirıbesin reformalaýdy usynamyz. Esep berý men basqarý tetikteri basqasha bolady. Munaı, gaz, kómir, tasymaldaý men uqsatý, elektrqýatyn óndirý, telekommýnıkasııalar jáne basqa da salalardaǵy qatynastardy jańalaýǵa bet alamyz, –  dedi UÁQ basqarma tóraǵasy.

Onyń aıtýynsha, satyp alýlar júıesin túbegeıli ózgertip, otandyq taýar óndirýshiler men shaǵyn jáne orta bıznesti qoldaý mehanızmderi kúsheıtiledi.
 
– Sársenbi kúni, 26-shy qańtarda bıznes-qoǵamdastyqpen ashyq dıalog uıymdastyrylady. Áleýmettik jelilerde onyń tikeleı translıasııasy júrgiziledi. Birlesip jasalǵan reformalaý baǵdarlamasy bekitilse, ony iske asyryp, qatań oryndaýǵa bar kúshimdi salamyn, – dedi Sátqalıev.

21 qańtarda prezıdent Qasym-Jomart Toqaev Qazaqstannyń iri bıznesmenderimen kezdesýinde "Samuryq-Qazyna" qory jumysyn ashyq júrgizbeıtinin, satyp alýlar júıesi tıimsiz ekenin aıtqan. Memleket basshysy óz sózinde aýqymdy jobalar aıaǵyna deıin jetkizilmeı jatqanyn atap ótip, qorǵa túbegeıli reforma jasaýdy tapsyrǵan. Atalǵan másele boıynsha prezıdent Almasadam Sátqalıevpen sóıleskenin, eger ol júktelgen mindetti atqara almasa, ózi de, Qor da birge ketetinin málimdegen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir