• USD 431.41

  • EUR 452.94

  • RUB 6.92

  • CNY 63.83

20 Mamyr, 10:32:06
Almaty
+20°

Oppozısııalyq belsendi Ermek Narymbaı Qazaqstanǵa oralady. Bul týraly Altynaı Adılova atty facebook qoldanýshysy habarlady.

– Otanyma oralamyn. Men qaryzǵa aqsha alyp, avıabıletti brondap qoıdym. Jaqynda Almatyda bolamyn. Beıbit maqsatta kelissóz júrgizýge kele jatyrmyn. Balalarymdy 7 jyl kórmedim. Osy eki kúnniń aralyǵynda balalarymmen kezdesý múmkindigi bola ma bilmeımin. Olardy Kıevke shaqyrýǵa múmkindigim bolmady. Aqorda meniń Qazaqstanǵa óz erkimmen dıalog júrgizý úshin bara jatqanymdy túsinýi kerek. Bul qoǵamdy dúrliktiredi. Olar meni túrmege otyrǵyzsa da men uzaq otyrmaıtynyma senimdimin. Qazaqstanǵa barǵanda meni jýrnalıster, blogerler, kóptegen adamdar kútip alady. Sondyqtan jasyryn túrde meni qamaýǵa ala almaısyzdar. Uryp-soǵýǵa, azaptaýǵa tolyq daıynmyn, biraq mundaı bolmaıdy. Bul bılikke tıimdi emes, – dedi dedi Narymbaı.

Oppozısıoner túrmege túsip qalsa da únsiz qalmaıtynyn, advokatynan halyqqa jańalyqtaryn, ashyq hattaryn jiberip otyratynyn jetkizdi.

– Túrmede men barlyq oblystardaǵy jappaı azaptaý jaǵdaıyna tekseris júrgizemin. Túrmeniń joldary muny qamtamasyz etedi. Tipti jalǵyz kamerada otyrsam da muny iske asyramyn. Meniń jaǵdaıym ózge de saıası emıgranttar, oppozısıonerler, azamattyq qoǵam men bıliktiń repýtasııasy, Toqaev jaqtastarynyń pozısııasy úshin aıqyndaýshy faktor bolady. Osynyń nátıjesinde biz bılikti repressııamen saılaý máselesi boıynsha kelissóz ústeline otyrǵyza alatynymyzǵa senimdimin, – dedi belsendi.

Belgili oppozısıoner Ermek Narymbaı kóptegen qýǵyndaýdan keıin 2016 jyldyń 14 shildesinde Qazaqstannan ketýge májbúr bolǵan. Búginge deıin Ýkraınada turyp keldi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir