• USD 425.02

  • EUR 450.1

  • RUB 7.17

  • CNY 63.75

22 Mamyr, 17:00:36
Almaty
+12°

Belgili zańger Abzal Quspan áleýmettik jelidegi paraqshasynda óziniń jáne birqatar quqyqqorǵaýshylardyń atynan beıbit mıtıngke qatysqany úshin ustalyp, soqqyǵa jyǵylyp, azaptaýǵa ushyrap jatqandardyń jaıyn aıtyp, prezıdent Qasym-Jomart Toqaevqa úndeý joldady.

– Qazirgi tańda "Qańtar dúrbeleńine" baılanysty quqyq qorǵaý organdary tarapynan qamaýǵa alynǵan azamattardyń quqyqtary jıi buzylyp jatqany týraly BAQ, áleýmettik jeli arqyly jáne el arasynda keńinen habar taraýda. Sonyń ishinde kóptegen óńirlerde sol azamattar soqqyǵa jyǵylyp, túrli azaptaýǵa ushyrap jatqany jaıly da habarlar tarap jatyr. Bizdiń qolymyzda qazir 10-ǵa jýyq isti bolǵan adamdardyń týystarynan túsken aryz bar. Keshegi beıbit mıtıngke qatysýshy azamattardyń barlyǵyn birdeı "ekstremıst", "terrorıst" deýge bolmaıdy. Olar birinshi kezekte bizdiń azamattarymyz jáne olardyń qandaı da bir quqyqbuzýshylyǵy bolatyn bolsa qoldanystaǵy zańnyń aıasynda, zańmen kepildik berilgen quqyqtary saqtala otyryp, tergelýi tıis, – dedi A. Quspan.

Zańger alańdaýshylyǵyn bildire otyryp, ádil tergeý júrgizý úshin "qoǵamdyq komıssııa" qurýdy suraıdy.

– Qazir polısııa jáne ózge de quqyqqorǵaý organdary tarapynan senimniń azdyǵyn eskerip bul komıssııanyń quramy el, jurt aldynda bedeli bar azamattardan jasaqtalǵanyn qalaımyz. Quqyqqorǵaý organdary, kúshtik qurylymdar tarapynan oryn alǵan zańsyzdyqtar quqyqtyq baǵasyn ádil, tolyq jáne múmkindiginshe shuǵyl almaǵan jaǵdaıda osy ádiletsizdikke qarsy halyqtyq tolqýlardyń týyndaý yqtımaldyǵy joǵary bolyp qalatynyna nazaryńyzdy aýdaramyz, – dedi Abzal Quspan. 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir