B. Saǵyntaev kovıdtik stasıonarlardyń KVI-men aýyratyn naýqastar sanynyń ósýine daıyndyǵyn tekserdi

Almatyda omıkron-shtammnyń taralýymen koronavırýs ınfeksııasy dertiniń óskeni baıqalady. Osyǵan baılanysty qala ákimi jumys sapary barysynda ınfeksııalyq stasıonarlardyń qosymsha tósek-oryndardy ornalastyrýǵa daıyndyǵyn tekserdi.

Baqytjan Saǵyntaev RV-90 I.Jekenova atyndaǵy Juqpaly aýrýlar aýrýhanasynyń fılıalyna bardy. Búginde munda KVI-men aýyratyn 199 pasıent bar, onyń ishinde 21-i JITB-te. Stasıonardyń jalpy qýaty – 500 tósek, onyń ishinde 45 tósek reanımasııa jáne qarqyndy terapııa bólimshesinde.

Qala ákimi sondaı-aq №№ 12 jáne 7 qalalyq klınıkalyq aýrýhanalarda KVI juqtyrǵan naýqastardy qabyldaýǵa daıyndyqpen tanysty. Bas dárigerler kovıd bólimsheleriniń jumysy jalpy medısınalyq kómek kórsetýmen qatar júrgiziletinin habarlady.

20 qańtardaǵy jaǵdaı boıynsha Almatyda koronavırýstyq ınfeksııanyń 2 057 jaǵdaıy tirkelgen, onyń ishinde 1 866 sımptomdy jaǵdaı. Infeksııalyq stasıonarlarda 1 350 pasıent, onyń ishinde 187 bala bar. JITB-te – 71 naýqas.

Jalpy, kovıdtik stasıonarlardyń qýaty 9 340 tósek-oryndy quraıdy, onyń ishinde 730 reanımasııalyq. Búginde 3 310 oryn qoldanysta, rezervte 6 030 oryn bar.

B. Saǵyntaevqa OQKA bazasynda ashylǵan telemedısına ortalyǵynyń jumysy týraly baıandaldy. TMO mamandarynyń baqylaýynda 10 188 pasıent bar. Bul san aǵymdaǵy jyldyń 1-20 qańtar aralyǵynda 20 ese ósti. Ortasha alǵanda, pasıentterge shamamen 5 myń qońyraý shalynady. 20 qańtarda 8 458 qońyraý soǵyldy, onyń barysynda naýqastyń jaǵdaıy suralyp, KVI emdeý boıynsha usynymdar beriledi.

Qala ákimi sondaı-aq №7 aýrýhana bazasynda ornalasqan KVI-ǵa qarsy vaksınalardyń qalalyq qoımasyna bardy. Qoımadaǵy jáne egý pýnktterindegi I jáne II komponentti vaksınalardyń qaldyǵy «Sınofarm» vaksınasynyń 207 733 dozasyn, «KazVak» vaksınasynyń 176 349 dozasyn, Pfizer 254 782 dozasyn quraıdy. B. Saǵyntaev halyqty KVI-ge qarsy ekpe alýǵa, sondaı-aq revaksınasııadan ótýge shaqyrdy.

О́tken táýlikte birinshi komponentpen – 2 218 adam, ekinshisimen – 1 978 adam vaksınalandy. 2021 jyldyń 1 aqpanynan bastap I komponentpen 1 095 040 adam, II komponentpen – 1 042 772 adam egildi. Egilgenderdiń jalpy sanynan 60 jastan asqandar 123 885 adamdy quraıdy. Pfizer (Comirnaty) vaksınasyn 35 909 adam aldy, onyń ishinde 1 953 júkti, 7 652 bala emizetin áıel jáne 26 304 bala men jasóspirim.

Sol kúni B. Saǵyntaev KVI taralýyna qarsy is-qımyl jónindegi shtab otyrysyn ótkizdi. Kovıdtik stasıonarlardyń bas dárigerleri pasıentterdi qabyldaý jáne emdeý dınamıkasy týraly baıandady. Balalar men júkti áıelderdi emdeýge erekshe kóńil bólinedi. 1-20 qańtar aralyǵynda qalalyq balalar juqpaly aýrýlar aýrýhanasyna KVI bar 346 bala tústi. Infeksııalyq bólimshelerde 102 júkti áıel bar.

Qala ákimi AMSK-tiń, Telemedısına ortalyǵynyń jumysyn kúsheıtýdi jáne rezervtik tósek-oryndardy ornalastyrýǵa daıyndyqty qamtamasyz etýdi tapsyrdy. Budan basqa, sanıtarlyq-epıdemıologııalyq qaýipsizdik jónindegi sharalardy jalǵastyrý, sondaı-aq halyqty vaksınasııalaý men revaksınasııalaýdy jandandyrý qajet. B. Saǵyntaev ujymdyq ımmýnıtetti qalyptastyrý pandemııanyń kezekti tolqynyna qarsy turýdyń birden-bir senimdi ádisi bolyp tabylatynyn atap ótti.