• USD 431.41

  • EUR 452.94

  • RUB 6.92

  • CNY 63.83

20 Mamyr, 09:49:08
Almaty
+18°

Qazaqstannyń Syrtqy ister mınıstrligi Eýropalyq Parlamenttiń eldegi jaǵdaıǵa qatysty qabyldaǵan qarary birjaqty sıpatqa ıe ekenin jáne obektıvti emes tujyrymdarǵa negizdelgenin málimdedi. 

"Elimizde oryn alǵan qańtardaǵy qaıǵyly oqıǵalarǵa obektıvti baǵalaýdyń bolmaýy alańdaýshylyq týǵyzady. Qazaqstan Respýblıkasynyń basshylyǵy tapsyrǵan resmı tergep-tekserý nátıjeleri jarııalanǵanǵa deıin mundaı qujattardy qabyldaý qısynsyz dep sanaımyz. Onyń nátıjeleri halyqaralyq qoǵamdastyqqa usynylatynyn taǵy da rastaımyz" delingen habarlamada.

 

Sondaı-aq mınıstrlik qarar jobasyn ázirleý kezinde Eýropalyq parlament depýtattary men onyń quramyndaǵy saıası toptar Qazaqstannyń resmı tulǵalarynan naqtylama aqparat pen túsindirýler suramaǵanyn jetkizdi.

"Adam quqyqtary jónindegi ýákil jáne memlekettik organdarmen tikeleı dıalog júrgizetin azamattyq qoǵam ınstıtýttary da atalǵan qujat avtorlarynyń olarǵa júginbegenin habarlady. Birqatar sheteldik buqaralyq aqparat quraldarynyń quqyq qorǵaý organdarynyń terrorıstik, ekstremıstik jáne qylmystyq toptarǵa qarsy zańdy áreketterin sıpattaıtyn jarııalanymdarynda aıtarlyqtaı qaıshylyqtar men dálsizdikter bar ekeni týraly QR Syrtqy ister mınıstrliginiń buryn aıtylǵan ustanymy elenbedi. Qazaqstan BUU-nyń Adam quqyqtary jónindegi keńesiniń, bedeldi halyqaralyq uıymdardyń múshesi, gýmanıtarlyq quqyq salasyndaǵy kópjaqty kelisimderdiń qatysýshysy retinde zańnyń ústemdigine jáne azamattardyń quqyǵy men bostandyǵyn qorǵaý salasyndaǵy óz mindettemelerin tolyqtaı ustanady. Sondaı-aq Qazaqstan halyqaralyq terrorızmge qarsy kúresti qosa alǵanda, jahandyq jáne óńirlik qaýipsizdikti qamtamasyz etý úderisine qomaqty úles qosyp keledi. Respýblıka Eýropalyq odaqtyń barlyq ınstıtýtymen ózara túsinistik jáne qurmet qaǵıdattary negizinde ózara syndarly is-qımyl jasaýǵa múddeli. Eýropalyq parlamenttiń bul qararyn asyǵys qabyldaýy demokratııalyq ınstıtýttardy nyǵaıtý jáne azamattyq qoǵamnyń damýyna baǵyttalǵan Qazaqstan prezıdentiniń reformalaryn qabyldaý jáne júzege asyrý úderisine keri áser etedi jáne zııan keltiredi" delingen Qazaqstannyń syrtqy ister mınıstrligi taratqan aqparatta.

Buǵan deıin Eýroparlament Qazaqstandaǵy "qańtar oqıǵasyna" qatysýshylardy qýdalaý jaǵdaıyn qatań synǵa alyp, adam quqyǵynyń óreskel buzylýyna baılanysty qarar qabyldaǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir