Foto: Ashyq derekkóz
AQSh prezıdenti Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
Aqparatqa sáıkes, AQSh barlaý agenttikteri Reseıdiń shabýyly bir aıdyń ishinde bolýy múmkin ekenin eskertken.
"Eger olar Ýkraınaǵa basyp kirse, bul Reseı úshin apat bolady. Bizdiń odaqtastarymyz ben seriktesterimiz Reseıge jáne Reseı ekonomıkasyna aýyr shyǵyn keltirýge daıyn" dedi Baıden.
"Ol (Pýtın) shabýyl jasasa, ókinedi dep oılaımyn" dedi Baıden.
Keıinirek Aq úıdiń baspasóz hatshysy Djen Psakı Baıdenniń Ýkraına men Reseıge qatysty suraqtarǵa bergen jaýaptaryn egjeı-tegjeıli jarııalady.
"Prezıdent Baıden Reseı prezıdentine ashyq aıtty: eger kez kelgen reseılik áskerı kúshter Ýkraına shekarasynan ótip ketse, bul jańadan jasalǵan basqynshylyq bolyp esepteledi. Oǵan AQSh jáne odaqtastarymyz jyldam, qatal ári birtutas jaýap beredi" dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir