20 Qańtar, 2022 NEWS
Foto: Inga Imanbaıdyń facebook paraqshasynan
Belsendi, Demokratııalyq partııa bastamashyl tobynyń jetekshisi Janbolat Mamaı qylmystyq kodekstiń 274-baby (Kórineý jalǵan aqparat taratý) boıynsha jaýap alýǵa shaqyryldy. Bul týraly onyń jubaıy, jýrnalıst Inga Imanbaı málim etti.
Jýrnalıstiń sózinshe, belsendi 20 qańtarǵa Almatydaǵy polısııa departamentine shaqyrylǵan.
Inga Imanbaı birneshe kún buryn polısııa departamentiniń ýaqytsha ustaý ızolıatorynda soqqyǵa jyǵylǵan "Demokratııalyq partııa" belsendisi Dáýren Dostııarov bosatylǵanyn eske alyp, Janbolatty ne kútip turǵany belgisiz ekenin aıtty. Ol tirkelmegen Demokratııalyq partııa kóshbasshysyn jabý arqyly, bılik eldegi oppozısııa ókilin jazalaýǵa sheshim qabyldaǵan bolýy múmkin ekenin jetkizgen.
Sondaı-aq ol Janbolat Mamaı eshkimnen jasyrynyp júrmegenin, jaqynda alǵan jaraqatynan aıyqqan soń tergeý amaldary úshin polısııaǵa mindetti turde baratynyn aıtty.
Buǵan deıin Almatydaǵy halyq narazylyǵynan keıingi jappaı tártipsizdik kezinde belsendini áldekimder sabap ketkeni habarlanǵan.
Artynsha, Janbolat Mamaı elde bolǵan jaǵdaı týraly álemniń kóptegen jetekshi basylymdaryna suhbat bergen.
Qate tapsańyz, qajetti bólikti tańdap ctrl+enter basyńyz.
