19 Qańtar, 2022 NEWS О́zgertý

Toqaev: Bektanov komandırlik qabiletin kórsete almady

Foto: Aqorda saıtynan

Prezıdent Qasym-Jomart Toqaev Qorǵanys mınıstrliginiń basshylyq quramymen keńes ótkizip, burynǵy Qorǵanys mınıstri Murat Bektanovtyń qyzmetinen ketý sebebin túsindirdi.

– Armııa Táýelsizdigimizdiń tiregi bolyp, memleket múddelerin qorǵaýy tıis. Qańtar oqıǵasy kezinde Qarýly Kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almady. Mınıstr Bektanov komandırlik qabiletin kórsete almady. Komandalyq-shtabtyq jáne áskerı jattyǵýlar kezinde oń nátıje kórsetken armııamyz bola tura, syn saǵatta onyń áleýetin paıdalana almadyq. Syrttan kómek shaqyrýǵa májbúr boldyq, – dedi Toqaev.

Prezıdent jańa mınıstr kadrlyq áskerı qyzmetker ekenin, arnaıy bilimdi Almaty Joǵary jalpyáskerı komandalyq ýchılıshesinde oqyǵanyn, keıin M.V. Frýnze atyndaǵy akademııada jáne Reseı Federasııasy Qarýly Kúshteri Bas shtabynyń Áskerı akademııasynda bilimin jalǵastyrǵanyn atap ótti.

– Onyń tájirıbesi mol. Ishki áskerde 30 jyldan astam qyzmet etti. Ol qatardaǵy jaýyngerden bastap, ártúrli basshylyq qyzmetterdi atqardy. Ishki ister mınıstriniń orynbasary – Ulttyq ulannyń Bas qolbasshysyna deıingi áskerı joldan ótti, – dedi Qasym-Jomart Toqaev.

Búgin Murat Bektanov Qorǵanys mınıstri laýazymynan bosatylyp, bul qyzmetke Rýslan Jaqsylyqov taǵaıyndalǵan bolatyn.

"Qamshy" silteıdi