• USD 431.41

  • EUR 452.94

  • RUB 6.92

  • CNY 63.83

20 Mamyr, 10:18:58
Almaty
+20°

Búgin májiliste birqatar zań jobalary qaralyp, keıbiri senatqa jiberildi. Solardyń qatarynda "Qazaqstan halqy Assambleıasy týraly", "Qaýipsizdi keńesi týraly" zańdarǵa ózgerister men tolyqtyrýlar engizilgen.

О́zgeriske saı, májilis Qazaqstannyń eks-prezıdenti Nursultan Nazarbaevqa QHA men Qaýipsizdik keńesin ómir boıyna basqarýǵa quqyq beretin normalardy alyp tastap, zań jobasyn senatqa joldaǵan.

Depýtat Erlan Saırov májilis maquldaǵan ózgeristerdi prezıdent Qaýipsizdik keńesi men Qazaqstan halqy assambleıasyn basqaratynyn zań júzinde rásimdeý dep túsiný kerektigin jetkizdi.

 

– Prezıdent osydan bir jyl buryn assembleıa tóraǵasy atandy. 5 qańtarda  qaýipsizdik keńesiniń tóraǵasy boldy. Sony zań júzinde rásimdedik, – degen ol "Qazaqstan Respýblıkasynyń Tuńǵysh Prezıdenti - Elbasy týraly" zańǵa eshqandaı ózgeris engizilmegen aıtty.

 

Qamshy tilshisi depýtattan "Qazaqstan Respýblıkasynyń Tuńǵysh Prezıdenti - Elbasy týraly" zańǵa ózgeris engizý týraly másele májilis kún tártibine engizilip jatyr ma" dep suraǵanda Erlan Saırov "májiliste ondaı joba joq" dep jaýap berdi.

Demek "Elbasy týraly zań" tolyq kúshinde. Oǵan sáıkes Qazaqstannyń burynǵy prezıdenti Nursultan Nazarbaevqa aıryqsha quzyretter men kepildikter berilgen.

Máselen, zańǵa sáıkes N.Nazarbaev aıryqsha erekshelik belgisi - Altyn juldyz jáne "Otan" ordenine, "Halyq qaharmany" (Narodnyı geroı) ataǵyna ıe.

♦ Qazaqstan Respýblıkasynyń Tuńǵysh Prezıdentine – Elbasyna Qazaqstan Respýblıkasynyń Prezıdenti bolyp saılaný quqyǵyna shekteý qoldanylmaıdy.

♦Memlekettiń ishki jáne syrtqy saıasatynyń negizgi baǵyttary boıynsha ázirlenetin bastamalar Qazaqstan Respýblıkasynyń Tuńǵysh Prezıdentimen  Elbasymen kelisiledi.

♦ Qazaqstan Respýblıkasy Tuńǵysh Prezıdentiniń Elbasynyń zańdy qyzmetine kedergi jasaýǵa, Qazaqstan Respýblıkasy Tuńǵysh Prezıdentin - Elbasyn kópshilik aldynda qorlaýǵa nemese onyń abyroıy men qadir-qasıetine ózgedeı qol suǵýǵa, sondaı-aq Qazaqstan Respýblıkasy Tuńǵysh Prezıdentiniń Elbasynyń beınesin búldirýge jol berilmeıdi jáne ondaı áreketter zańmen qýdalanady.

♦ Qazaqstan Respýblıkasynyń Tuńǵysh Prezıdentine – Elbasyna eshkimniń tıisýine bolmaıdy. Ol ózi Qazaqstan Respýblıkasy Prezıdentiniń ókilettikterin oryndaý kezeńinde jasaǵan, al bular toqtatylǵannan keıin Qazaqstan Respýblıkasynyń Tuńǵysh Prezıdenti – Elbasy degen óz mártebesin júzege asyrýǵa baılanysty áreketteri úshin jaýaptylyqqa tartylmaıdy. Ony ustap alýǵa, qamaqqa alýǵa jáne kúzetpen ustaýǵa, tintýge, odan jaýap alýǵa ne jeke basyn jete tekserýge bolmaıdy.

Tıispeýshilik Qazaqstan Respýblıkasynyń Tuńǵysh Prezıdentine – Elbasyna jáne onymen birge turatyn otbasy múshelerine jeke menshik quqyǵymen tıesili barlyq múlikke, sondaı-aq olar paıdalanatyn turǵyn jáne qyzmettik úı-jaılarǵa, qyzmettik kólikke, baılanys quraldaryna, jazysqan hattaryna, olarǵa tıesili qujattarǵa qoldanylady. Tıispeýshilik Qazaqstan Respýblıkasy Tuńǵysh Prezıdentiniń – Elbasynyń qoryna jáne ol quratyn ózge de zańdy tulǵalarǵa tıesili múlikke de qoldanylady.

♦ Qazaqstan Respýblıkasynyń Tuńǵysh Prezıdentine – Elbasyna jáne onymen birge turatyn otbasy múshelerine jeke menshik quqyǵymen tıesili múlikke, sondaı-aq ol quratyn zańdy tulǵalardyń múlkine qandaı da bir shekteýler qoıylmaıdy.

Qazaqstan Respýblıkasy Tuńǵysh Prezıdentiniń – Elbasynyń jáne onymen birge turatyn otbasy músheleriniń banktik shottarynyń banktik qupııalyǵyna jáne olarǵa tıispeýshilikke kepildik beriledi.

"Qamshy" silteıdi
Ilmek sózder: Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir