• USD 431.41

  • EUR 452.94

  • RUB 6.92

  • CNY 63.83

20 Mamyr, 10:51:27
Almaty
+20°
Sheteldegi oppozısıoner bankır, Qazaqstanda ekstremıstik dep tanylǵan "Qazaqstannyń demokratııalyq tańdaýy" qozǵalysynyń jetekshisi Muhtar Áblıazov azamattardy qalalarda mıtıngke shyǵýyna baılanysty Almatyda alańdar qorshaýǵa alynyp, polısııa qyzmeti kúsheıtilgen rejımge ótti.
 
Almaty polısııa basqarmasy arnaıy eskertý jarııalap, elde terrorǵa qarsy operasııanyń júrgizilip jatqany týraly aqparat taratty.
 
Polısııa Abylaı han kóshesiniń boıymen Maqataev kóshesinen Bógenbaı batyr kóshesine deıin, soltústik jáne ońtústik baǵytta, Tóle bı dańǵyly boıymen Jeltoqsan kóshesinen Nazarbaev dańǵylyna deıin, shyǵys jáne batys baǵytta qozǵalys shekteletinin málim etti.
 
Qazirgi ýaqytta Almatyda eski alań atalyp ketken Astana alańy aýmaǵy qorshaýǵa alynǵan. Alań mańynda polısııa men SOBR qyzmetkerleri kóptep júr. Mıtıng orny retinde belgilengen alańǵa jaqyn jerde júrgen adamdardyń qujaty tekserilip jatyr.
 
Sondaı-aq Saıahat avtobeketi mańynda da polısııa qyzmeti kúsheıgen.
 
Mıtıng orny retinde belgilengen jerlerde belsendiler, mıtıngke shyqqandar áreketi baıqalmaıdy.
 
 
"Qamshy" silteıdi
Ilmek sózder: mıtıng Ablıazov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir