• USD 431.41

  • EUR 452.94

  • RUB 6.92

  • CNY 63.83

20 Mamyr, 09:13:45
Almaty
+18°

18 Qańtar, 2022 NEWS

Nazarbaev úndeýi qaıda túsirilgen, ol shyn máninde ne aıtqysy keldi?

Ol osy arqyly saıası arenadan túbegeıli ketkenin, óziniń eldegi bılikke yqpal ete alatyndaı róli joq ekenin bildirgen bolýy múmkin.

Foto: Ashyq derekkóz

Eks-prezıdent Nursultan Nazarbaev araǵa 20 kún salyp el aldyna shyqty. Dálirek aıtqanda beıneúndeý joldap, óziniń astanada ekenin málim etti.

4,5 mınýttyq málimdemede N.Nazarbaev meılinshe resmı sóılep, eldegi halyq narazylyǵy men odan keıingi jappaı tártipsizdik týraly aıtqanda prezıdent áldeneshe ret qaıtalaǵan terrorıstik shabýyl sózderin qoldandy. О́zi eldi basqarǵan 30 jylda Qazaqstandy damytýǵa baryn salǵanyn, áleýmetteý-ekonomıkalyq damýda kóptegen nátıjege qol jetkizilgenin aıtty.

Alaıda elde bolyp jatqan jaǵdaılarǵa, tikeleı óziniń áýletine baılanysty oqıǵalarǵa baılanysty jaq ashpady. Osy ýaqytqa deıin nelikten el aldyna shyqpaǵany, "Qaýipsizdik keńesi týraly" zańǵa sáıkes, Qaýipsizdik keńesiniń ómir boıǵy tóraǵasy bola tura, tóraǵalyq nelikten prezıdentke ótkeni, óziniń kómekshisi bolǵan UQK burynǵy tóraǵasy Kárim Másimovtyń memlekettik satqyndyq kúdigimen aıyptalǵany, týystarynyń jappaı qyzmetten shettetilip jatqany týraly eshteńe demedi.

Vıdeo jalpy jáne úlken kadrda túsirilgen. Kadr birinen ekinshisine qaıta-qaıta ótkizilip, "jylt-jylp" etedi.

Vıdeo qaı kezde túsirilgeni belgisiz. Artqy fon N.Nazarbaev Aqordadan kóshkeli onyń jumys orny bolǵan Nazarbaev ortalyǵyndaǵy kabınetterdiń birine uqsaıdy.

Máselen, osy fonǵa uqsas jerde Nursultan Nazarbaev 2021 jylǵy 21 qyrkúıekte "Astana" halyqaralyq qarjy ortalyǵyn basqarý jónindegi keńes tóraǵasynyń orynbasary Sýma Chakrabartımen kezdesken.

8 qyrkúıekte BUU Bas Assambleıasynyń joǵary deńgeıdegi plenarlyq otyrysyna qatysýshylarǵa úndeý joldaǵan.

2021 jylǵy 1 shildede osy jerde Qytaı Halyq Respýblıkasynyń Qazaqstandaǵy tótenshe jáne ókiletti elshisi Chjan Sıaony qabyldaǵan.

О́tken jyldyń 3 maýsymynda Armenııa Respýblıkasynyń prezıdenti Armen Sarkısıanmen kezdesken.

 

Osyǵan qaraǵanda N.Nazarbaev shynymen de astanada nemese jurtshylyq solaı oılasyn dep artqy fon meılinshe óziniń jumys ornyna uqsas etip jasalǵan.

Eks-prezıdenttiń málimdemesinen keıin de kóptegen saýaldardyń basy ashyq qalǵanyna qaraǵanda, málimdeme "Nazarbaev qazir qaıda?", "Ol tiri me?" degen saýaldarǵa jaýap retinde jasalǵanǵa uqsaıdy.

Sondaı-aq Nazarbaev 2019 jyly prezıdent retindegi ókilettigin toqtatqaly alǵash ret ózi týraly "zeınetker" sózin qoldandy. Ol osy arqyly saıası arenadan túbegeıli ketkenin, óziniń eldegi bılikke yqpal ete alatyndaı róli joq ekenin bildirgen bolýy múmkin.

 

"Qamshy" silteıdi
Ilmek sózder: Nazarbaev úndeý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir