• USD 431.41

  • EUR 452.94

  • RUB 6.92

  • CNY 63.83

20 Mamyr, 10:14:25
Almaty
+18°
Eldegi dúrbeleń kezinde Qazaqstannyń eks-prezıdenti Nursultan Nazarbaevtyń inisi Bolat Nazarbaevtyń Qyrǵyzstan arqyly Dýbaıǵa ushyp ketýine baılanysty jańa derekter shyqty.
 
Qyrǵyzstan shekara qyzmetiniń birneshe ókili Azattyq radıosynyń Qyrǵyz qyzmetine Bolat Nazarbaev pen onyń janyndaǵy bes-alty adam 6 qańtar tańerteń "Aqjol" shekara beketi arqyly Qyrǵyzstanǵa ótkenin aıtqan.

Aty-jónin jarııalamaýdy ótingen shekara qyzmetkerleri "Bolat Nazarbaev pen onyń janyndaǵylardy Qyrǵyzstan bıligine jaqyn adamdar kútip alǵanyn" jetkizgen.

Azattyqtyń Qyrǵyz qyzmetine "6 qańtarda Qyrǵyzstanǵa ótti" delingen Bolat Nazarbaev, Nursaıyn Nazarbaev jáne Baýyrjan Nurǵazyuly atty adamdardyń pasport kóshirmeleri kelip túsken.

Pasport Nýrsaına Nazarbaeva

Ashyq derekkózderde Nursaıyn Nazarbaev jaıly derek joq. Al Baýyrjan Nurǵazyuly Almatydaǵy "Barys" bazary basshylarynyń biri degen derek bar. Budan bólek, Nurǵazyuly Almaty oblysy Qaskeleń qalasynda qurylǵan "BN Qaskeleń" fýtzal klýbynyń prezıdenti retinde kórsetiledi.

Qazaq-qyrǵyz shekarasy mańyndaǵy taksıster Azattyqtyń Qyrǵyz qyzmetine Nazarbaevtyń "jaqyndary bar degen terezeleri qarańǵylanǵan avtokólikter" Qyrǵyzstanǵa ótkenin jetkizgen.

Qordaıdan "Aqjol" beketi arqyly Qyrǵyzstanǵa ótken qazaqstandyq belsendi ári #ND YouTube-arnasyn júrgizetin jýrnalısti Dýman Muhamedkárim de osy beketten Nazarbaevtyń jaqyndary Qyrǵyzstanǵa kirgenin estigen

"Osy jaqtaǵy jergilikti turǵyndar óz kózimizben kórdik dep aıtyp berdi. Sol jaqta sımkarta satqandar Nazarbaevtyń jaqyndary balalaryn jetektep ótti dep aıtty. Kameraǵa aıtyp berińder desem, qorqamyz dep bas tartty" deıdi ol.

Budan bólek, Bishkektegi "Manas" aeroportynyń aty-jónin jarııalaýdy qalamaǵan birneshe qyzmetkeri Azattyqtyń Qyrǵyz qyzmetine Bolat Nazarbaev pen birneshe adamnyń Qyrǵyzstan arqyly Dýbaıǵa ushyp ketkenin aıtqan.

Qazaqstan azamaty Bolat Nazarbaevqa berilgen dıplomatııalyq pasport.
Qazaqstan azamaty Bolat Nazarbaevqa berilgen dıplomatııalyq pasport.

Al "Manas" áýejaıynyń baspasóz hatshysy Álııa Qurbanova 6 qańtarda Dýbaıdan Bishkekke jeke ushaq ushyp kelgenin rastaǵan.

"Bombardier ushaǵy 2022 jylǵy 6 qańtarda "Manas" halyqaralyq áýejaıyna qonǵan. Ushaq Dýbaıdan ushyp kelgen. Ushaq kimdiki ekenin belgisiz. Kommersııalyq ushaqtyń jolaýshylarynyń kim ekenin de bilmeımiz. Bul bizdiń mindetimizge kirmeıdi" deıdi ol.

Qyrǵyzstan resmı organdary Bolat Nazarbaevtyń Bishkekten ushyp ketkenin joqqa da shyǵarmady, rastamady da. Shekara qyzmeti elge kelgen jáne ketken azamattardyń derekterin berý zańǵa qaıshy keletinin aıtyp, aqparat berýden bas tartqan.

 
"Qamshy" silteıdi
Ilmek sózder: Bolat Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir