17 Qańtar, 2022 NEWS
Foto: lada.kz
Mańǵystaý oblysy Túpqaraǵan aýdandyq soty Fort-Shevchenko qalasynyń ákimi Shalqybaı Ázirbaevti mas kúıinde kólik júrgizgeni úshin jaýapkershilikke tartty, dep jazady lada.kz saıty.
Sot barysynda ákim Aqtaý – Fort-Shevchenko trassasynyń 3 shaqyrymynda mas kúıinde toqtatylǵany anyqtaldy. Saraptama nátıjesi júrgizýshiniń jeńil túrde algogol tutynǵanyn kórsetken.
Ákim sot barysynda ishimdik ishkenin moıyndamady, tek emdik maqsatta moınyn spırtpen súrtkenin jetkizgen. Soǵan qaramastan memlekettik qyzmetker ákimshilik kodekstiń 608-baby, 1-tarmaǵy (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) boıynsha jaýapkershilikke tartylyp, 15 kúnge qamaýǵa ylyndy. Sonymen qatar 7 jylǵa júrgizýshi kýáliginen aıyrylady.
Ázirge sot sheshimi kúshine engen joq, Ázirbaev sheshimge shaǵymdana alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir