• USD 433.3

  • EUR 464.19

  • RUB 6.48

  • CNY 64.56

28 Mamyr, 00:41:28
Almaty
+20°

Burynǵy prezıdent Nursultan Nazarbaevtyń kúıeý balasy, mıllıarder Tımýr Qulybaev bir aı buryn "QazAzot" aksıonerlik qoǵamyndaǵy óziniń barlyq aksııalaryn satyp jibergen. Aqparatty kompanııanyń baspasóz qyzmeti habarlady.

"QazAzot" AQ jaı aksııalaryn satyp alý boıynsha mamandandyrylǵan saýda-sattyq 2021 jylǵy 10 jeltoqsanda ótti. Belsendi ótinimderdiń kólemi 85 myń jaı aksııany qurady. Berilgen ótinimder boıynsha ortasha alynǵan baǵa 788 858,82 teńge. Saýda-sattyq qorytyndysy boıynsha aksıonerlik qoǵamnyń qarapaıym aksııalarynyń 85%-yn "Kazakhstan Petrochemicals" JShS satyp aldy, 15%-y burynǵy ıesi Baharıdın Ablazımovta qaldy. Osylaısha óz aksııalaryn "Joint Resources" AQ (100% Tımýr Qulybaevqa tıesili – red), Dinmuhamed Ydyrysov pen Erjan Dostybaev satty" delingen habarlamada.

Tımýr Qulybaev búgin "Atameken" Ulttyq kásipkerler palatasy tóraǵasy qyzmetinen ketken. Ol Nursultan Nazarbaevtyń ortanshy qyzy Dınara Nazarbaevanyń kúıeýi.

15 qańtarda Nazarbaevtyń taǵy eki kúıeý balasy – "QazTransOıl" AQ basqarma tóraǵasy Dımash Dosanov pen "QazTransGaz" UK" AQ basqarma tóraǵasy Qaırat Sháripbaev qyzmetterinen bosatylǵan .

Dımash Dosanov – Nursultan Nazarbaevtyń kishi qyzy Álııa Nazarbaevanyń, al Qaırat Sháripbaev – úlken qyzy Darıǵa Nazarbaevanyń kúıeýi.

Sondaı-aq búgin prezıdent Qasym-Jomart Toqaev Nazarbaevtyń týysy Samat Ábishti UQK tóraǵasynyń birinshi orynbasary qyzmetinen bosatty

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir