Darıǵa Nazarbaeva da otstavkaǵa kete me?

Eks-prezıdent Nursultan Nazarbaevtyń úlken qyzy Darıǵa Nazarbaeva májilis depýtatynyń mandatyn bosatý týraly ótinish bergen joq. Bul týraly KazTAG aqparat agenttigi habarlady.

11 qańtarda Darıǵa Nazarbaeva naýqastanýyna baılanysty májilis otyrysyna qatyspaǵan bolatyn. Keıinnen jelide onyń jaqyn arada otstavkaǵa ketýi múmkin ekenin týraly aqparat taraǵan. Zań boıynsha "aýrýyna baılanysty demalysta" bolǵan kezde jumystan shyǵarylmaıdy. 

Eldegi jappaı tártipsizdikke ulasqan halyq narazylyǵy kezinde Qaýipsizdik keńesi prezıdentke ótkeli Qazaqstannyń eks-prezıdenti Nursultan Nazarbaevtyń jaqyn adamdary qyzmetten shettetilip jatyr.

Búgin Nazarbaevtyń bir kúıeý balasy Tımýr Qulybaev "Atameken" Ulttyq kásipkerler palatasy tóraǵasy qyzmetinen ketti.

Sondaı-aq búgin prezıdent Qasym-Jomart Toqaev Nazarbaevtyń týysy Samat Ábishti UQK tóraǵasynyń birinshi orynbasary qyzmetinen bosatty.

15 qańtarda Nazarbaevtyń eki kúıeý balasy – "QazTransOıl" AQ basqarma tóraǵasy Dımash Dosanov pen "QazTransGaz" UK" AQ basqarma tóraǵasy Qaırat Sháripbaev qyzmetterinen bosatylǵan.

Dımash Dosanov – Qazaqstannyń burynǵy prezıdenti Nursultan Nazarbaevtyń kishi qyzy Álııa Nazarbaevanyń, al Qaırat Sháripbaev – úlken qyzy Darıǵa Nazarbaevanyń kúıeýi.