• USD 431.41

  • EUR 452.94

  • RUB 6.92

  • CNY 63.83

20 Mamyr, 11:08:36
Almaty
+20°

Eks-prezıdent Nursultan Nazarbaev 2-3 qańtar kúnderi óziniń týǵan jeri Shamalǵan aýylynda bolyp, sosyn Qyrǵyzstanǵa, artynsha Birikken Arab Ámirlikterine ushyp ketken. Bul týraly reseılik "Moskovskıı Komsomoles" basylymy habarlady.

Basylym jýrnalısine Shamalǵan aýylynyń turǵyndary Nazarbaev 2,3 qańtar kúnderi týǵan aýylynda bolǵanyn aıtqan. Turǵyndardyń biri eks-prezıdent ata-babasy jerlengen zıratqa keledi dep, biraq barmaǵanyn jetkizgen.

Ákimshilikte jumys isteıtin turǵyn jýrnalısterge Nazarbaev jańa jyldan keıin aýylyna jýyrda Germanııada ota jasatqan inisi Bolattyń jaǵdaıyn bilýge kelgenin aıtqan. Sondaı-aq ol Nazarbaev aýyl aqsaqaldarymen kezdeskenin, artynsha brondalǵan kóliktermen qyrǵyz shekarasyna qaraı, odan ary Arab Ámirlikterine ushyp ketkenin atap ótken.

Buǵan deıin Qyrǵyzstandyq 24.kg basylymy Nursultan Nazarbaevtyń inisi Bolat Nazarbaev Almatyda halyq narazylyǵy jappaı tártipsizdikke ulasyp dúrbeleń týyp jatqanda Qyrǵyzstan arqyly Dýbaıǵa ushyp ketkenin habarlaǵan.

Uzamaı Nazarbaevtyń qyzy Álııa da Dýbaıda ekeni týraly aqparat shyqty. Ol áleýmettik jelide jazba jarııalaǵanda qurylǵysy onyń Dýbaıda ekenin kórsetken.

"Qamshy" silteıdi
Ilmek sózder: Nursultan Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir