Foto: Ashyq derekkóz
Burynǵy Densaýlyq saqtaý mınıstri Eljan Birtanov Qarjy monıtorıngi agenttigi zańbuzýshylyqtarǵa jol berip jatqanyn málimdedi. Bul týraly eks-sheneýnik óziniń Facebook paraqshasyna jazdy.
– О́zimdi qorǵaý quqyǵym qaıta buzylyp jatyr. Tergeý júrgizý kezinde qarjy monıtorıngi tarapynan zańdy óreskel buzǵany týraly bizdiń shaǵymdarymyz jáne Bas prokýratýraǵa jiberilgen tıisti sharalar qabyldaý týraly ótinish qaralmaǵan, alaıda aıyptaý aktisi bekitilgen. Iаǵnı bizdiń ustanymymyz ben quqyǵymyz eshkimdi qyzyqtyrmaı ma?, – dep jazdy Birtanov jelide.
Eks-mınıstr 2020 jylǵy 3 qarashada asa iri kólemde bıýdjet qarjysyn ysyrap etý faktisi boıynsha kúdikke ilinip, qamaýǵa alynǵan.
7 qarashada Birtanovqa qatysty bultartpaý sharasy ózgertilip, úı qamaqqa alynǵan. Munan soń úı qamaqqa alý sharasy áldeneshe ret uzartylǵan.
2021 jyldyń 26 sáýirde Birtanovtyń kommersııalyq qurylymda jumys istep jatqany týraly aqparat shyqty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir